مۇسىلمان جىل ساناۋى بويىنشا ءماۋلىت ايى وتۋدە.
ءماۋلىت ايى مۇحاممەد پايعامباردىڭ دۇنيەگە كەلگەن ايى. ءدىني مەرەكەلەر كۇنتىزبەسىنە سايكەس، پايعامباردىڭ تۋعان كۇنى بيىل 14-15 قىركۇيەكپەن تۇسپا-تۇس كەلەدى.
يسلام ءدىنى بويىنشا، بۇل مەرەكەنىڭ ماڭىزى مۇحاممەد پايعامباردىڭ ءومىرىن ناسيحاتتاۋ، جاستاردى يماندىلىققا، ادامگەرشىلىككە جانە جاقسىلىققا تاربيەلەۋگە نەگىزدەلەدى.
ءماۋلىت ايىندا ورازا ۇستاپ، اۋىز بەكىتۋ مىندەتتى ەمەس. مۇسىلماندار ءۇشىن ورازا مىندەتتەلگەن اي – رامازان ايى. ەسەسىنە، ءماۋلىت ايىندا ساۋاپتى امالدار جاساپ، قۇران وقۋ سۇننەت.
"ماۋلىتتەگى ماقساتىمىز پايعامبارىمىزدى شەكتەن تىس قيال عاجايىپتار قوسىپ، تاڭىرگە بالاپ ۇلىقتاۋ ەمەس. ماۋلىتتەگى ماقساتىمىز ونى ەسكە الۋ. ونىڭ تەڭدەسسىز تۇلعاسىنان ونەگەنىڭ ءبىر تامشىسىن بولسا دا الۋعا تالپىنۋ. ونىڭ كىرشىكسىز ءومىربايانىن جادىمىزدا ءبىر جاڭعىرتۋ. وعان سانسىز سالاۋاتتار ايتۋ، ونىڭ ەسىمىن الەمگە جار سالۋ"، – دەلىنگەن قمدب رەسمي سايتىندا.