احمەت بايتۇرسىن ۇلىنىڭ تاعى ءبىر كىتابى تابىلدى

بۇل تۋرالى احمەت بايتۇرسىن ۇلى مۋزەيىنىڭ مەڭگەرۋشىسى ادىلەت احمەت الەۋمەتتىك جەلىدە جازدى.

ۇلت ۇستازى احمەت بايتۇرسىن ۇلىنىڭ جۇرت بايقاماي جۇرگەن ءبىر كىتاپشاسى تابىلدى، دەپ حابارلايدى Almaty-akshamy.kz

بارشاعا ءمالىم احمەت بايتۇرسىن ۇلىنىڭ "قىرىق مىسالىنىڭ" ىشىندەگى "مايمىل مەن كوزىلدىرىك" شىعارماسى جەكە كىتاپ رەتىندە تابىلدى. كىتاپ وسىدان 101 جىل بۇرىن تاشكەندە سۋرەتتى ۇلگىدە باسىلعان. عالىم اۋدارعان قۇندى ەڭبەكتىڭ ءبىر پاراسى باسىلىم كورگەنىنە 101 جىل وتكەن.

«مايمىل مەن كوزىلدىرىك» اتتى مىسال كىتاپشا 1922 جىلى تاشكەنتتە باسىلعان. تۇركىستان رەسپۋبليكاسىنىڭ باسپا ءسوز شىعارۋشى مەكەمەسى جاعىنان باسىلىم كورگەن بۇل جادىگەر ۇلت ۇستازىنىڭ كوزىندەي قىمباتتى مۇرا دەۋگە بولادى. كىتاپشا سۋرەتتى ۇلگىدە باسىلعان. باس-اياعى 12 بەتتەن تۇراتىن كىتاپشانىڭ جوباسى كىسىنىڭ كوزىن تارتىپ، كوڭىلىنە ءتۇرلى وي سالادى.كىتاپتىڭ مۇقاباسىندا جاپا-تارماعاي اعاش باسىنا ورمەلەگەن مايمىلدار بەينەلەنگەن. «مايمىل مەن كوزىلدىرىك» اتتى كىتاپ اتىنان كەيىن «ي. ا. كرىلوۆ حيكاياسىنان قازاقشالاپ جازۋشىسى ا. بايتۇرسىنوۆ» دەپ كورسەتىلگەن" دەپ جازدى اۆتور.

سونداي-اق، ول كىتاپتىڭ باسقى بەتتەرى جىرتىلعانىن جانە كەي ارىپتەرى كورىنبەيتىنىن جازدى.