ەلىمىزدە جىل سايىن 13 مىڭعا جۋىق ادام قاتەرلى ىسىك اۋرۋىنان كوز جۇمادى. جىلىنا 40 مىڭنان استام تۇرعىننان ونكولوگيالىق دەرت انىقتالادى، دەپ حابارلايدى Almaty-akshamy.kz.
ونىڭ 5 مىڭى ءسۇت بەزى، 4 مىڭعا جۋىعى وكپە راگى. بۇل تۋرالى الماتىدا وتكەن Best of ASCO Kazakhstan-2023 ونكولوگتار سامميتىندە ايتىلدى. وعان 7 ەلدەن ماماندار كەلدى. حالىقارالىق جانە وتاندىق ساراپشىلار اتى جامان اۋرۋدى ەمدەۋدىڭ دياگنوستيكاسىنىڭ جاڭا تاسىلدەرىن تالقىلادى. سونداي-اق، ناۋقاستاردىڭ ءومىرىن ۇزارتۋعا سەپتىگىن تيگىزەتىن مەديسينالىق پرەپاراتتاردى تانىستىردى، -دەپ جازدى 24.kz. وكىنىشكە وراي، سوڭعى كەزدە بۇل اۋرۋ جاس تالعاماي بارادى. بۇرىن ەگدە جاستاعى ادامدار شالدىقسا، ءقازىر 45-50 جاستاعىلاردا ءجيى كەزدەسەدى.
- 3 اي سايىن جاڭا دارىلەر شىعىپ جاتىر. سەبەبى، فارماكولوگيا جاعىنان كوپتەگەن يممۋنمونكولوگيالىق دارىلەر شىقتى. تارگەتتىك پرەپاراتتار، سولاردى زامانمەن بىرگە ءبىر قادام باسۋ ءۇشىن وسىنداي ۇلكەن كونگرەسستەر قاجەت. سەبەبى، ءبىرىنشى ول اقپارات جەتكىزۋ. ەكىنشى، ەگەردە ول پرەپاراتتار رەكومەنداسيا بويىنشا ەمدىك پروتوكولدا ەنگىزىلسە، سوندا بىزدە ەنگىزۋ ءۇشىن، ءبىزدىڭ رەسپۋبليكادا رەگيستراسيا جاساۋ ءۇشىن حالىققا جەتكىزۋ ءۇشىن سونداي جۇمىستار قاجەت، -دەيدى قازاق ونكولوگيا جانە راديولوگيا عزي باسشىسىنىڭ ورىنباسارى باقىتجان وڭعاربايەۆ