زەرتتەۋدە تەلەفون ارقىلى ساۋالناما ءادىسى قولدانىلدى.
«قوعامدىق پىكىر» زەرتتەۋ ينستيتۋتى اعىمداعى جىلدىڭ 4-6 قاراشا ارالىعىندا سوسيولوگيالىق ساۋالناما جۇرگىزگەن، دەپ حابارلايدى Almaty-akshamy.kz
ولشەمگە سايكەس، 2022 جىلعى 20 قاراشاداعى پرەزيدەنتتىك سايلاۋعا ىقتيمال سايلاۋشىلاردىڭ قاتىسۋ دەڭگەيى 71،6 پايىزدى قۇرادى. بۇل داۋىس بەرۋگە بەل بۋعانداردىڭ جالپى ۇلەسى (55،4%) جانە داۋىس بەرۋى ابدەن مۇمكىن دەگەندەر (16،2%). ساۋالناما جۇرگىزۋ كەزىندە ناقتى جاۋاپ بەرە الماعان رەسپوندەنتتەردىڭ ۇلەسى 18،3% قۇرادى، ولار وزدەرىنىڭ قاتىسۋ ىقتيمالدىعىن «50/50» دەپ باعالاعان. 6،1 پايىزى داۋىس بەرۋگە نيەتتى ەمەس. شەشىمسىز – رەسپوندەنتتەر 4% قۇراعان.
جالپى رەسپوندەنتتەردىڭ 84،4%-ى 2022 جىلعى قاراشادا وتەتىن پرەزيدەنتتىك سايلاۋ ءادىل وتەدى دەپ سەنەدى. ءاربىر ونىنشى (11%) قارسى پىكىردى ۇستانادى: سەنبەيتىندەر – 6،2%، مۇلدە سەنبەيدى – 4،8%. 4،6% جاۋاپ بەرۋگە قينالعان.
ساۋالناماعا 17 وبلىس پەن رەسپۋبليكالىق ماڭىزى بار قالالاردان استانا، الماتى جانە شىمكەنت قالالارىنان 18 جاستان اسقان 1200 رەسپوندەنت قاتىستى. زەرتتەۋدە تەلەفون ارقىلى ساۋالناما ءادىسى قولدانىلدى. ساۋالناما وسك-نىڭ 2022 جىلعى 30 قىركۇيەكتەگى № وسك-08-18/1179 حابارلاماسىنا سايكەس وسك-نىڭ رەسمي رۇقساتىمەن جۇرگىزىلدى.