بۇگىن – قازاقتىڭ رۋحاني كوسەمى، ۇلت ۇستازى، قازاق ءتىلىنىڭ رەفورماتورى، كورنەكتى عالىم، اقىن، اعارتۋشى احمەت بايتۇرسىن ۇلىنىڭ تۋعان كۇنى. احمەت بايتۇرسىن ۇلى ءوزىنىڭ عۇمىرىن قازاق ۇلتىنىڭ ءبىلىمىن كوتەرۋگە، ءتىلىن ساقتاۋعا جانە ونى دامىتۋعا ارناعان تۇلعا. ونىڭ ەڭبەگى بۇگىنگى ۇرپاق ءۇشىن التىن مۇرا بولىپ قالدى.
ۇلت جۇمىسى – ۇلكەن جۇمىس: ۇلكەن جۇمىسقا كوپ جۇمىسكەر كەرەك.
***
ادامعا ەڭ قىمبات نارسە – جۇرت قامى، جۇرت ءىسى.
***
ەل باعاتىندار – ەل باعۋلارىن جاقسى بىلۋلەرى كەرەك.
***
ءبىلىمدى بولۋعا – وقۋ، باي بولۋعا –كاسىپ، كۇشتى بولۋعا – بىرلىك كەرەك.
***
ۇلت نامىسى دەگەندى قازاقتىڭ كوبى – ەكى اۋىلدىڭ، ەكى توپتىڭ يا ەكى رۋدىڭ نامىسى دەپ ۇعادى: باسقادان كەمشىلىك كورسە – نامىستانبايدى، كەكتەمەيدى؛ بىر-بىرىنەن كەمشىلىك كورسە – كەگىن جىبەرمەيدى.
***
بالام دەگەن جۇرت بولماسا – جۇرتىم دەگەن بالا قايدان شىقسىن.
***
ەلدە جوق رۋح – اقىن سوزىنە قايدان كەلسىن؟!
***
وقۋسىز حالىق قانشا باي بولسا دا – ءبىراز جىلداردان كەيىن ونىڭ بايلىعى ونەرلى حالىقتاردىڭ قولىنا كوشەدى.
***
ۇلتىن كەرەك قىلىپ، حالىققا قىزمەت قىلامىن دەگەن قازاق بالالارى قازاق جۇمىسىنا قولىنان كەلگەنشە قاراپ تۇرماي كىرىسىپ ىستەي بەرسە – ۇلى جۇمىسى ۇلعايىپ تولىقپاقشى.
***
قازاقتىڭ باس ادامدارى! اۋەلى سىزدەر اداسپاڭىزدار: اداسپاس ءۇشىن اقىلداسىپ، ويلانىپ، ىنتىماقپەن ءىس ەتىڭدەر.
***
الاشقا اتى شىققان ادامدار! كوسەمدىكتەرىڭدى اداسپاي ءتۇزۋ ىستەڭدەر! سەندەر اداسساڭدار – ارتتارىڭنان الاش اداسادى: ارتتارىڭنان ەرگەندەردىڭ وبال-ساۋابىنا سىزدەر قالاسىزدار.