5 قىركۇيەك كۇنى تاڭەرتەڭ مالايزيانىڭ كوتا-كينابالۋ قالاسىنداعى جاعاجايدا سۋعا باتىپ كەتكەن دەپ ەسەپتەلگەن قازاقستاندىق ءتۋريستى قۇتقارۋشىلار ىزدەستىرۋدە.
The Star جەرگىلىكتى باسىلىمىنىڭ حابارلاۋىنشا، كوتا-كينابالۋ قالاسىنىڭ ءورت ءسوندىرۋ قىزمەتى قۇتقارۋ وپەراسياسىن جۇرگىزۋدە، وعان جەتى ادام قاتىسۋدا. ەر ادامنىڭ ءتىرى نەمەسە قازا تاپقانى ازىرگە بەلگىسىز، ءبىراق ونىڭ تەڭىزدە شومىلىپ جۇرگەن كەزدە سۋعا باتىپ كەتكەنى تۋرالى كۇدىك بار.
«تۋاران ءورت ءسوندىرۋ ستانسياسىنان جەتى قۇتقارۋشىدان تۇراتىن توپ وقيعا ورنىنا 12 شاقىرىم جەردەن جەتتى، ولار جەرگىلىكتى ۋاقىت بويىنشا 5 قىركۇيەك، بەيسەنبى كۇنى تاڭعى 8:19-دا شۇعىل قوڭىراۋ العان»، — دەپ حابارلايدى The Star.
ەر ادامنىڭ ءجۇزۋ قابىلەتى مەن وقيعاعا نە سەبەپ بولعانى ءالى ناقتىلانباعان.
تامىز ايىنىڭ باسىندا تايلاندتا تاعى ءبىر قازاقستاندىق تۋريست قازا تاپقان بولاتىن.