1 شىلدەدەن باستاپ احات فۋنكسيالارى مەملەكەتتىك كورپوراسياعا بەرىلەتىن بولادى. بۇل رەتتە تىركەۋ ورگاندارى كوممەرسيالىق قىزمەت كورسەتە الا ما؟ بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسى فيليالى ديرەكتورىنىڭ ورىنباسارى اسەم بولاتباەكوۆا تولىعىراق ايتىپ بەردى، دەپ حابارلايدى almaty-akshamy.kz
«بۇگىندە مەملەكەتتىك قىزمەتكەرلەر بولىپ تابىلاتىن احات قىزمەتكەرلەرىنىڭ جاس جۇبايلارعا كوممەرسيالىق قىزمەت كورسەتۋگە قۇقىعى جوق. ولاردىڭ مىندەتى-وتىنىشتى قابىلداۋ، تىركەۋ كۇنىن بەلگىلەۋ، تىركەۋدى جۇرگىزۋ جانە قۇجاتتى بەرۋ. ال ازاماتتارعا ارنالعان ۇكىمەت - كوممەرسيالىق قىزمەت كورسەتەتىن كورپوراسيا. سوندىقتان بىزگە وتكەن قىزمەتكەرلەر دە نارىققا قاتىسۋشى بولادى. بۇل دەگەنىمىز - ولاردىڭ جاس جۇبايلارعا ارنالعان نارىقتاعى بارلىق كوممەرسيالىق قىزمەتتەردى كورسەتە الاتىنىن بىلدىرەدى»، - دەدى ا.بولاتبەكوۆا.
وسىلايشا، احات قىزمەتكەرلەرى فۋنكسيالارى حقكو-عا اۋىسقاننان كەيىن نەكە قيۋ راسىمىنە، فوندىق مۋزىكالىق سۇيەمەلدەۋگە، فوتو جانە بەينەتۇسىرىلىم ورىندارىن ينتەرەرلىك رەسىمدەۋگە، نەكەنى جاس جۇبايلاردىڭ قالاۋىنا قاراي شاقىرعان جەرلەرىنە بارىپ تىركەۋگە جانە ت.ب. سۇيەمەلدەۋ بويىنشا كوممەرسيالىق قىزمەتتەر كورسەتە الادى.
بۇل جاعدايدا جاس جۇبايلار باسقا كومپانيالاردىڭ نەمەسە مەملەكەتتىك كورپوراسيالاردىڭ قىزمەتتەرىن وزدەرى تاڭداۋ قۇقىعى بار. بۇل نەكەنى مەملەكەتتىك تىركەۋگە اسەر ەتپەيدى، ول وزگەرىسسىز قالادى، ال سالتاناتتى ءراسىم قىزمەتى تەك نەكەگە تۇرۋشىلاردىڭ قالاۋى بويىنشا.
سپيكەردىڭ ايتۋىنشا، الماتى قالاسىنىڭ احات قىزمەتكەرلەرىنىڭ 80% - دان استامى حقكو فيليالدارىنا اۋىسىپ، قولدانىستاعى مەملەكەتتىك قىزمەتتەردى كورسەتەتىن بولادى.
«بيزنەس-پروسەستەر وزگەرمەيدى. مۇندا جاڭا اقپاراتتىق جۇيە نەمەسە جاڭا قىزمەت ەنگىزىلمەيدى، مەملەكەتتىك قىزمەتتەر ستاندارتتارى قولدانىستاعى، قىزمەت كورسەتۋ ءتارتىبى مەن مەرزىمدەرى بۇرىنعىداي بولادى. ەڭ باستىسى، ءبىز ادىلەت مينيسترلىگىنە سۇيەنەمىز. ونىڭ ارتىندا بۇگىنگى كۇنگە دەيىن بەرىلگەن فۋنكسيالار قالادى. بۇل ازاماتتىق حال اكتىلەرىن تىركەۋدى ءادىسنامالىق قامتاماسىز ەتۋ جانە باقىلاۋ. ەلدەگى احاج جۇمىسىنىڭ جاڭا كەزەڭىن تەك وڭ وزگەرىستەر كۇتىلەدى»، - دەپ اتاپ ءوتتى ول.
ايتا كەتۋ كەرەك، نەكەنى تىركەۋدىڭ سالتاناتتى ءراسىمى احات عيماراتتارىندا، جاس جۇبايلاردىڭ قالاۋى بويىنشا وتكىزىلەدى. بۇل دەگەنىمىز، حقكو-دا سالتاناتتى تىركەۋ جۇرگىزىلمەيدى. بۇل جاعدايدا حقو-لار مەملەكەتتىك قىزمەتتەرگە وتىنىشتەردى قابىلداۋ جانە ولار بويىنشا دايىن ناتيجەلەر بەرۋ فۋنكسيالارىن ورىندايدى.
مەملەكەتتىك كورپوراسيانىڭ مالىمەتىنشە، جىل باسىنان بەرى احات جەلىسى بويىنشا الماتى حقكو ارقىلى 33 377 قىزمەت كورسەتىلگەن:
- نەكەنى (ەرلى-زايىپتىلىقتى) بۇزۋدى تىركەۋ، ونىڭ ىشىندە ازاماتتىق حال اكتىلەرىنىڭ جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ-1004؛
- اتىن، اكەسىنىڭ اتىن، تەگىن اۋىستىرۋدى تىركەۋ، ونىڭ ىشىندە ازاماتتىق حال اكتىلەرىنىڭ جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ - 1628؛
- ءولىمدى تىركەۋ، ونىڭ ىشىندە ازاماتتىق حال اكتىلەرىنىڭ جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ-5761؛
- ازاماتتىق حال اكتىلەرىنىڭ جازبالارىن قالپىنا كەلتىرۋ -113؛
- ازاماتتىق حال اكتىلەرى جازبالارىنىڭ كۇشىن جويۋ-9؛
- ازاماتتىق حال اكتىلەرىن تىركەۋ تۋرالى قايتالاما كۋالىكتەر نەمەسە انىقتامالار بەرۋ - 16349؛
- بالانىڭ تۋۋىن تىركەۋ، ونىڭ ىشىندە ازاماتتىق حال اكتىلەرىنىڭ جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ-8513.