ءۇش وبلىستىڭ سەنات دەپۋتاتتارى تىركەلدى.
جازدىڭ سوڭعى كۇنى ورتالىق سايلاۋ كوميسسياسى سەناتتىڭ جاڭا دەپۋتاتتارىن تىركەدى، دەپ حابارلايدى Almaty-akshamy.kz.
2022 جىلعى 31 تامىزدا نۇرلان ءابدىروۆتىڭ توراعالىعىمەن اباي، جەتىسۋ جانە ۇلىتاۋ وبلىستارىنان 2022 جىلعى 24 تامىزدا سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ ماسەلەسى بويىنشا ورتالىق سايلاۋ كوميسسياسىنىڭ وتىرىسى ءوتتى.
وتىرىسقا پارلامەنت سەناتىنا سايلانعان دەپۋتاتتار جانە بەينەكونفەرەنسيا بايلانىسى رەجيمىندە اباي، جەتىسۋ جانە ۇلىتاۋ وبلىستارىنىڭ اۋماقتىق سايلاۋ كوميسسيالارى قاتىستى، دەپ حابارلايدى قازاقپارات ق ر ورتالىق سايلاۋ كوميسسياسىنىڭ باسپا ءسوز قىزمەتىنە سىلتەمە جاساپ.
ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ وتىرىستى اشا وتىرىپ، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋسيالىق زاڭىنا سايكەس، پارلامەنت دەپۋتاتىنىڭ وكىلەتتىگى ونى ورتالىق سايلاۋ كوميسسياسى پارلامەنت دەپۋتاتى رەتىندە تىركەگەن كەزدەن باستالاتىنىن اتاپ ءوتتى.