اگروونەركاسىپ كەشەنى ازىق-تۇلىك قاۋىپسىزدىگىن قامتاماسىز ەتۋ مىندەتىن تولىق ورىنداپ وتىرعان جوق. بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ايتتى، -دەپ حابارلايدى اlmaty-akshamy.kz قازاقپارات-قا سىلتەمە جاساپ.
«ازىق-تۇلىك قاۋىپسىزدىگىن قامتاماسىز ەتۋگە باسا ءمان بەرۋ قاجەت. اشىعىن ايتساق، اگروونەركاسىپ كەشەنى بۇل مىندەتتى تولىق ورىنداپ وتىرعان جوق. وسى سالاداعى ساياسات ءبىرىزدى ەمەس. مەملەكەت تاراپىنان ءبولىنىپ جاتقان قاراجات ءتيىمدى جۇمسالمايدى. ءونىم ءوندىرۋشى مەن تۇتىنۋشىنىڭ اراسىندا دەلدال كوپ»، - دەدى مەملەكەت باسشىسى.
پرەزيدەنت كەپىلدىك قامتاماسىز ەتۋگە تالاپتىڭ جوعارى ەكەندىگىن اتاپ ءوتتى. اگروبيزنەستى قورلاندىرۋدىڭ بالاما قۇرالدارى باياۋ دامىپ كەلە جاتقاندىعىنا نازار اۋداردى.
«بۇل ازىق-تۇلىك ينفلياسياسى ديناميكاسىنا تەرىس اسەر ەتەدى. اۋىل شارۋاشىلىعىن قارقىندى دامىتۋعا قاجەتتى جاعداي جاساۋ – مەملەكەتتىڭ مىندەتى»، - دەدى پرەزيدەنت.