بيۋدجەتتەن قارجىلاندىرىلاتىن اۋقىمدى جوبالاردى، ەڭ الدىمەن وتاندىق كاسىپكەرلەر جۇزەگە اسىرۋى ءتيىس. بۇل تۋرالى VIII سايلانعان ق ر پارلامەنتىنىڭ ءبىرىنشى سەسسياسىنىڭ وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى اlmaty-akshamy.kz.
«ءبىز ناقتى يندۋستريالاندىرۋعا، جەرگىلىكتى ءوندىرىستى دامىتۋعا، ينفراقۇرىلىمدى جاڭعىرتۋعا باسا نازار اۋدارۋىمىز قاجەت. بيۋدجەتتەن قارجىلاندىرىلاتىن اۋقىمدى جوبالاردى، ەڭ الدىمەن وتاندىق كاسىپكەرلەر جۇزەگە اسىرۋعا ءتيىس»، - دەدى قاسىم-جومارت توقايەۆ.
پرەزيدەنت الداعى بەسجىلدىق شاعىن جانە ورتا بيزنەستى قولداۋعا ارنالۋى كەرەك ەكەنىن ايتتى.
«ۇلتتىق جوبالار ۋاقتىلى جانە ساپالى جۇزەگە اسىرىلۋعا ءتيىس. بيۋدجەتتىڭ ءاربىر تيىنى ءتيىمدى جۇمسالۋى كەرەك. وسىنىڭ بارىنە پارلامەنتتىك باقىلاۋ جاساۋ ايرىقشا ماڭىزدى. وزدەرىڭىزگە داۋىس بەرگەن ازاماتتار ۇلكەن ءۇمىت كۇتىپ، سەنىم ارتىپ وتىر. دەپۋتاتتار بيلىك پەن قوعامنىڭ ارىپتەستىگىن نىعايتۋعا ۇلەس قوسۋى قاجەت. بۇل جۇمىس «حالىق ۇنىنە قۇلاق اساتىن مەملەكەت» تۇجىرىمداماسىن ورنىقتىرۋعا سەپتىگىن تيگىزەدى. اسىرەسە، سايلاۋدا جەڭىسكە جەتكەن Amanat پارتياسى وسى جۇمىسقا بەلسەنە اتسالىسادى دەپ سەنەمىن. پارتيانىڭ تاجىريبەسى مول، قوعام تاراپىنان جان-جاقتى قولداۋ بار. سوندىقتان، Amanat پارتياسى الداعى وزگەرىستەردىڭ بەل ورتاسىندا بولادى دەپ ۇمىتتەنەمىن»، - دەدى مەملەكەت باسشىسى.