بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«اۋىل – ەل بەسىگى»، «اۋىل اماناتى» جوبالارى اۋىلدى دامىتۋعا ارنالعان جاڭا تۇجىرىمداماعا ارقاۋ بولۋعا ءتيىس. توپىراقتىڭ قۇنارىن ساقتاپ، ونى جاقسارتۋ ءۇشىن جۇيەلى شارالار قابىلداۋ قاجەت»، - دەدى مەملەكەت باسشىسى.
پرەزيدەنت اۋىل شارۋاشىلىعى جەرلەرىن ءتيىمدى پايدالانۋ ءۇشىن باقىلاۋدى كۇشەيتۋ ماڭىزدى ەكەندىگىنە توقتالدى.
«ءونىم كولەمىن ارتتىرۋعا جانە ونى ءارتاراپتاندىرۋعا باسا ءمان بەرگەن ءجون. اۋىل شارۋاشىلىعى سالاسىنداعى رەفورمالارعا ساپالى زاڭدار قاجەت. بۇل جۇمىسقا ماجىلىستەن ورىن العان «اۋىل» پارتياسى ءوز ۇلەسىن قوسادى دەپ سەنەمىن»، - دەدى قاسىم-جومارت توقايەۆ.
وسىعان دەيىن مەملەكەت باسشىسى ۇلتتىق جوبالاردىڭ ساپالى ءارى ۋاقتىلى جۇزەگە اسىرىلۋى قاجەتتىگىن ايتتى.