ەلىمىزدە جىل باسىنان بەرى پوليسيا قىزمەتكەرلەرى اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ بويىنشا 100-گە جۋىق قىلمىستىق ءىس قوزعادى.
اكىمشىلىك جاۋاپكەرشىلىككە 119 ادام تارتىلدى، 9،5 ملن تەڭگەدەن استام سوماعا ايىپپۇل سالىندى. زاڭسىز كەسىلگەن 600 تەكشە مەتردەن استام اعاش تاركىلەندى، دەپ حابارلايدى Almaty-akshamy.kz.
Polisia.kzء-تىڭ مالىمەتىنشە، اعاشتاردى زاڭسىز كەسۋ فاكتىلەرى كوبىنە الماتى، شقو جانە اباي وبلىسىندا تىركەلگەن. مىسالى، قىزىلوردادا سەكسەۋىلدى زاڭسىز كەسۋ فاكتىلەرى تىركەلدى. پوليسەيلەر قىزىل كىتاپقا ەنگەن اعاشتاردى تاسىمالداعان تۇرعىندى ۇستادى. بۇل فاكتى بويىنشا “ءوسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن، سونداي-اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ” بابىنا سايكەس قىلمىستىق ءىس قوزعالدى. شىعىس قازاقستان وبلىسىندا 19 تەكشە مەتر بولاتىن بالقاراعاي اعاشىن زاڭسىز كەسۋ فاكتىسى انىقتالدى. كەلتىرىلگەن زالال سوماسى 1،3 ملن تەڭگەدەن استى.
تاعى ءبىر مىسال – جاقىندا جەتىسۋدا بولعان جاعداي. براكونەرلەر مىڭعا جۋىق كەسىلگەن اعاشتى ساتپاق بولعان جەرىندە ۇستالعان. اتالعان فاكتىلەرگە قاتىستى “اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ” بابى بويىنشا سوتقا دەيىنگى تەرگەۋ باستالدى. پوليسەيلەر قوماقتى زالال كەلتىرۋ مەن تابيعي رەسۋرستاردىڭ جويىلۋىنا بايلانىستى وسى باعىت بويىنشا قوسىمشا كۇشتەر مەن قۇرالداردى تارتا وتىرىپ، “براكونەر” جەدەل-پروفيلاكتيكالىق ءىس-شاراسىن وتكىزىپ جاتىر. وپەراسيا بارىسىندا ءتارتىپ ساقشىلارى قورشاعان ورتانى قورعاۋ ورگاندارىمەن بىرلەسىپ، ەرەكشە قورعالاتىن اۋماقتاردى، قورىقتار مەن ۇلتتىق پاركتەردى تەكسەرەدى.
«ەستەرىڭىزگە سالا كەتەيىك، اعاشتار مەن بۇتالاردى زاڭسىز كەسۋ، جويۋ نەمەسە زاقىمداۋ ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان. اقبتك-نىڭ 381-1-بابى بويىنشا سانكسيا 50 اەك-تەن 150 اەك-كە دەيىنگى ايىپپۇلدى كوزدەيدى. ال ەلەۋلى زالال كەلتىرىلگەن كەزدە قك-نىڭ 340-بابى بويىنشا قىلمىستىق ءىس قوزعالادى، ول 160 اەك-تەن 10 جىلعا دەيىن باس بوستاندىعىنان ايىرۋدى كوزدەيدى»، – دەدى ق ر ءىىم اپك ەرەكشە تاپسىرمالار جونىندەگى اعا ينسپەكتورى تولەۋباي مۇحامادييەۆ.
ءىىم ازاماتتاردى تابيعاتتى قورعاۋ زاڭناماسىن ساقتاۋعا جانە تابيعاتقا ۇقىپتى قاراۋعا شاقىرادى. ەگەر ءسىز اعاشتاردى زاڭسىز كەسۋ جانە تاعى دا باسقا قۇقىق بۇزۋشىلىق فاكتىلەرىنە كۋا بولساڭىز، دەرەۋ 102 ارناسىنا حابارلاۋدى سۇرايمىز.