«بايتاق» جاسىلدار پارتياسىنىڭ ساياسي كەڭەس بيۋروسىنىڭ مۇشەسى عاني ساتتارحان ۇلىنىڭ پىكىرىنشە، قازاقستاننىڭ ەكونوميكالىق دامۋى مەن جاڭا كاسىپورىندار اشۋ ءۇشىن تۇراقتى جانە سەنىمدى ەنەرگيا كوزى قاجەت.
بۇل ەنەرگيا كوزى – اتوم ەلەكتر ستانسياسى (اەس). ساتتارحان ۇلى اتاپ وتكەندەي، قازاقستان سياقتى دامۋشى ەلدەر ءۇشىن اتوم ەنەرگياسى ماڭىزدى قاجەتتىلىك بولىپ تابىلادى. ونىڭ پايىمداۋىنشا، اەس سالۋ ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتىپ، ەكونوميكانى نىعايتۋعا جانە ۇزاق مەرزىمدى تۇراقتى دامۋ جولىنا شىعۋعا مۇمكىندىك بەرەدى.
سونىمەن قاتار، عاني ساتتارحان ۇلىنىڭ پىكىرىنشە، اەس قۇرىلىسى ارقىلى ەلىمىزدە جاڭا جۇمىس ورىندارى اشىلىپ، تەحنولوگيالىق پروگرەسس بەلسەندى تۇردە داميدى. بۇل قازاقستاننىڭ جاھاندىق ەنەرگەتيكالىق تاۋەلدىلىگىن ازايتىپ، ەكونوميكانى ءارتاراپتاندىرۋعا كومەكتەسەدى. اەس – تومەن كومىرتەكتى ەنەرگەتيكانىڭ بولاشاعى، ول قورشاعان ورتانى قورعاۋعا، پارنيكتىك گازداردىڭ شىعارىندىلارىن ازايتۋعا ۇلەس قوسادى.
سوندىقتان، ساتتارحان ۇلى ەلدىڭ الداعى ۋاقىتتا ەنەرگەتيكالىق قاۋىپسىزدىگىن نىعايتۋدا اتوم ەنەرگەتيكاسىن دامىتۋ باستى مىندەتتەردىڭ ءبىرى بولۋعا ءتيىس ەكەنىن اتاپ ءوتتى.