اەس سالۋدى قولداۋ جونىندەگى حالىقتىق شتابتىڭ جۇمىسى باتىس قازاقستان وبلىسىندا جالعاسىن تاپتى. شتاب مۇشەلەرى ءوڭىردىڭ ەتنومادەني بىرلەستىكتەرى، ۆولونتەرلەر، بەلسەندى ازاماتتار جانە ءتۇرلى ەڭبەك ۇجىمدارىمەن ءبىرقاتار كەزدەسۋلەر وتكىزدى.
ورال قالاسىنداعى «دوستىق» ۇيىندە وتكەن كەزدەسۋدە ەتنومادەني بىرلەستىكتەردىڭ وكىلدەرىمەن جۇزدەسۋ ۇيىمداستىرىلدى. كەزدەسۋ بارىسىندا شتاب وكىلدەرى اتوم ەنەرگەتيكاسىن پايدالانۋداعى دامىعان ەلدەردىڭ تاجىريبەسىن جانە اەس-تىڭ قاۋىپسىزدىگى مەن تيىمدىلىگى جايلى جان-جاقتى اقپارات بەردى. جينالعان قاۋىم ەلىمىزدىڭ بولاشاعىن انىقتايتىن بۇل ماڭىزدى رەفەرەندۋمعا ءار قازاقستاندىقتىڭ قاتىسۋى قاجەتتىگىن اتاپ ءوتتى. بۇل قادام ارقىلى قازاقستاندا جاڭا ساياسي مادەنيەت قالىپتاساتىنىنا سەنىم ءبىلدىرىلدى.
سول كۇنى حالىقتىق شتابتىڭ بەلسەندى جاستارى وبلىستىڭ زاماناۋي الەمدىك ترەندتەرىنە سۇيەنە وتىرىپ، ەلىمىزدە بەيبىت اتومدى دامىتۋ باعىتىندا جاسالىپ جاتقان جۇمىستارمەن تانىستى. جاستارعا اەس قۇرىلىسى جاڭا مۇمكىندىكتەر بەرەتىنىن اتاپ ءوتتى، ونىڭ ىشىندە بىلىكتى ماماندار ءۇشىن جاقسى جالاقىسى بار ونداعان مىڭ جاڭا جۇمىس ورىندارىنىڭ اشىلاتىنىنا باسا نازار اۋدارىلدى. وسى ماقساتتا بولاشاقتا اتوم ەنەرگەتيكاسىن دامىتۋ بويىنشا مەملەكەتتىك باعدارلامانىڭ اياسىندا ارنايى كادرلاردى دايارلاۋ جوسپارى جاسالاتىن بولادى.