دەپۋتات ناۋرىزباي بايقاداموۆتىڭ پىكىرىنشە، قازاقستاننىڭ ەنەرگەتيكا سالاسىن دامىتۋ شۇعىل شەشىمدەردى قاجەت ەتەدى. ونىڭ ايتۋىنشا، اتوم ەنەرگەتيكاسى ەلىمىزدى تۇراقتى ەنەرگيامەن قامتاماسىز ەتۋ جانە ەكونوميكالىق تۇراقتىلىعىن نىعايتۋ جولىنداعى باستى قادام بولماق.
«قازاقستاننىڭ دامىعان ەلدەر قاتارىنا قوسىلۋى ءۇشىن اتوم ەلەكتر ستانسياسىن سالۋ قاجەت. بۇگىنگى تاڭدا اتوم ەلەكتر ستانسيالارى الەمدە كەڭىنەن پايدالانىلىپ جاتىر جانە بۇل باعىتتاعى ەڭ ۇزدىك تاجىريبەنى تاڭداپ، ەلىمىزگە قولايلى نۇسقانى جۇزەگە اسىرۋ – ءبىزدىڭ باستى مىندەتىمىز»، - دەپ اتاپ ءوتتى ناۋرىزباي بايقاداموۆ.
اەس قۇرىلىسى ارقىلى ەلدىڭ ەنەرگەتيكالىق قاۋىپسىزدىگىن قامتاماسىز ەتۋ، ەكونوميكانىڭ باسەكەگە قابىلەتتىلىگىن ارتتىرۋ جانە قورشاعان ورتاعا زيان كەلتىرمەيتىن تۇراقتى ەنەرگيا كوزىن دامىتۋ ماقساتىندا ماڭىزدى قادامدار جاسالاتىن بولادى.