قازاقستاندا اتوم ەنەرگەتيكاسىن دامىتۋعا ارنالعان دوڭگەلەك ۇستەل الماتى ەنەرگەتيكا جانە بايلانىس ۋنيۆەرسيتەتىندە ءوتتى.
ەرتۋعان ومبەتقۇلوۆ، اۋەيس ەلەكتر ستانسيالارى جانە ەلەكتر ەنەرگەتيكالىق جۇيەلەر كافەدراسىنىڭ دوسەنتى، اتوم ەلەكتر ستانسياسىنىڭ ماڭىزدىلىعى مەن قاۋىپسىزدىگى تۋرالى ءوز پىكىرىن ءبىلدىردى:
– ءبىز اتوم ەلەكتر ستانسياسىن سالۋدى قولدايمىز. قازىرگى ۋاقىتتا تۇبەگەيلى وزگەرىستەر قاجەت. ەنەرگيا تۇتىنۋدىڭ ارتۋى مەن جاڭا ەنەرگيا كوزدەرىن ىزدەۋدىڭ قاجەتتىلىگىنە كەلىپ وتىرمىز. كەڭەس داۋىرىندە سالىنعان كوپتەگەن ستانسيالاردىڭ ەسكىرۋىنە بايلانىستى جاڭالارىن سالۋ كەرەك.
قاۋىپسىزدىك ماسەلەسى بۇگىندە كوپتەگەن ادامداردى الاڭداتىپ وتىرعانى راس. ءبىراق مەن اتوم ەنەرگياسى پايدالانىلاتىن بىرنەشە ەلدەردە، اسىرەسە رەسەيدە بولدىم. كەيبىر اتوم ەلەكتر ستانسيالارى قالالاردىڭ شەكاراسىندا ورنالاسقان جانە جەرگىلىكتى تۇرعىندار ولاردىڭ بار ەكەنىن بايقاماي دا قالادى. بۇگىنگى تاڭدا اتوم ەلەكتر ستانسيالارىنىڭ قاۋىپسىزدىگى ەڭ وزىق تەحنولوگيالارمەن قامتاماسىز ەتىلگەن.
ءبىزدىڭ ەلدە دە قاجەتتى ماماندار بار. ەڭ باستىسى – وسى جوبالاردى ىسكە اسىرۋ الدىندا دايىندىقتى مۇقيات جۇرگىزۋ كەرەك، – دەپ اتاپ ءوتتى ول.