بۇل تۋرالى Telegram پلاتفورماسىنىڭ نەگىزىن قالاۋشى پاۆەل دۋروۆ ءوز Telegram-ارناسىندا راستادى (https://t.me/durov/345). زاڭعا قايشى ارەكەت جاساعان Telegram پايدالانۋشىلارىنىڭ IP مەكەنجايلارى مەن تەلەفون نومىرلەرى «بيلىكتىڭ نەگىزدى سۇرانىستارىنا» جاۋاپ رەتىندە جاريالانۋى مۇمكىن.
دۋروۆتىڭ ايتۋىنشا، مەسسەندجەر ەكوجۇيەسىندە ىزدەۋ جۇيەسى جاڭارتىلىپ، بارلىق پروبلەمالىق كونتەنت قولجەتىمسىز بولدى. Telegram پلاتفورماسىنىڭ نەگىزىن قالاۋشى مەسسەندجەردىڭ قىزمەت كورسەتۋ شارتتارى مەن قۇپيالىلىق ساياساتى بارلىق ەلدەر ءۇشىن بىردەي تۇردە وزگەرتىلگەنىن مالىمدەدى.
«ءبىز پلاتفورما ەرەجەلەرىن بۇزعانداردىڭ IP مەكەنجايلارى مەن تەلەفون نومىرلەرى ءتيىستى ورگاندارعا نەگىزدى زاڭدى سۇرانىستارعا جاۋاپ رەتىندە بەرىلۋى مۇمكىن ەكەنىن تۇسىندىردىك. مۇنداي شارالار قىلمىسكەرلەردى قورقىتۋى كەرەك. ءبىزدىڭ ەكوجۇيە دوستار مەن جاڭالىقتاردى ىزدەۋگە ارنالعان، زاڭسىز تاۋارلاردى العا جىلجىتۋعا ەمەس. Telegram كومانداسى بۇزاقىلاردىڭ پلاتفورمانىڭ بۇتىندىگىن ميلليونداعان پايدالانۋشىلار ءۇشىن قاۋىپكە توندىرۋىنە جول بەرمەيدى»، — دەدى پاۆەل دۋروۆ.
مەسسەندجەر كومانداسىنىڭ بيلىك ورگاندارىمەن ءوزارا ارەكەتتەسۋ ساياساتىنا ەنگىزىلگەن وزگەرىستەر دۋروۆتىڭ قاماۋعا الىنۋىنان كەيىن كوپ ۇزاماي پايدا بولدى. وڭتۇستىك كورەيا بيلىگى الدىندا دۋروۆ قىركۇيەك ايىنىڭ باسىندا كەشىرىم سۇراعان بولاتىن