حالىقتىق شتاب مۇشەلەرى جامبىل وبلىسىندا جەرگىلىكتى تەمىرجول قىزمەتكەرلەرىمەن دە كەزدەستى. ولار مەملەكەت باسشىسى ءوز جولداۋىندا كولىك-لوگيستيكا سالاسىن دامىتۋعا ەرەكشە نازار اۋدارعانىن ەسكە سالدى، دەپ حابارلايدى aqshamnews.kz
تەمىرجول سالاسىنا كەشەندى رەفورمالار قاجەت: جاڭا تەمىر جولدار سالۋ، پويىزدار مەن ۆاگوندار ساتىپ الۋ، سيفرلاندىرۋدى ەنگىزۋ جانە باسقا دا ماسەلەلەردى شەشۋ كەرەك.
تەمىرجول جەلىسىن ەلەكتر ەنەرگياسىمەن قامتۋدىڭ تومەن دەڭگەيى قازىرگى ۋاقىتتا وتكىزۋ قابىلەتىنىڭ شەكتەۋلى بولۋىنا باستى سەبەپتەردىڭ ءبىرى بولىپ وتىر. بۇل جولاۋشىلار مەن جۇك تاسىمالىنىڭ جىلدامدىعىنا دا كەرى اسەر ەتەدى.
شۋ-الماتى ۋچاسكەسىندە ەلەكتر ەنەرگياسى ءجيى ۇزىلەدى. ترانزيتتىك الەۋەتى جوعارى مەملەكەتىمىز ءۇشىن بۇل – قوماقتى پايدادان قاعىلۋ دەگەن ءسوز. بۇعان جول بەرۋگە بولمايدى. بۇل ماسەلەنى جەدەل شەشۋ قاجەت. اەس قۇرىلىسى وسى تۇيتكىلدەردىڭ شەشىمىن تاۋىپ، وتاندىق تەمىرجولدىڭ سەنىمدى جانە قولجەتىمدى تاريفتەرمەن ەلەكتر ەنەرگياسىن قامتۋعا دەگەن قاجەتتىلىگىن قاناعاتتاندىرادى.
شتاب مۇشەلەرى ءوڭىردىڭ كۇن جانە جەل ەلەكتر ستانسيالارى بويىنشا ەلدە جەتەكشى ورىنعا يە بولعانىنا قاراماستان، ولاردىڭ تۇراقتى قۋات بەرە المايتىنىن اتاپ ءوتتى. اەس قاۋىپسىزدىگى تۋرالى ايتا وتىرىپ، پارلامەنت يادرولىق قاۋىپسىزدىك جانە قورشاعان ورتانى قورعاۋ سالاسىنا قاتىستى جەكە زاڭ قابىلدايتىنى ەرەكشە اتالىپ ءوتتى. بۇل قۇجات اەس-تى جوبالاۋ، سالۋ جانە پايدالانۋ كەزىندە قاتاڭ قاۋىپسىزدىك ستاندارتتارىن قامتيدى.
وسى كۇنى اەس سالۋدى قولداۋ جونىندەگى حالىقتىق شتاب مۇشەلەرى مەركى اۋىلىنىڭ تۇرعىندارىمەن – قارجىلىق ساۋاتتىلىقتى ارتتىرۋعا ارنالعان «قارىزسىز قوعام» جانە «اۋىل اماناتى» جوبالارىنىڭ قاتىسۋشىلارىمەن كەزدەستى. ءىس-شارا «اگروساۋات» وقۋ ورتالىعىنىڭ الاڭىندا ءوتتى. بۇل ورتالىقتا ەگىنشىلىك، قۇس جانە مال شارۋاشىلىعىنىڭ نەگىزدەرى تەگىن وقىتىلادى.
باعدارلامالارعا قاتىسۋشى اۋىل تۇرعىندارى بيزنەس اشۋ، جىلىجاي سالۋ، مال ساتىپ الۋ جانە شارۋا قوجالىعىن دامىتۋ ءۇشىن جەڭىلدەتىلگەن نەسيە الۋدا. الايدا، سەنىمدى ەلەكتر ەنەرگياسى بولماسا، بۇل جوبالاردى تۇراقتى تۇردە جۇزەگە اسىرۋ مۇمكىن ەمەس. وسىعان بايلانىستى اۋىل تۇرعىندارى اەس قۇرىلىسىنا قولداۋ ءبىلدىرىپ، بۇل جوبا اگروونەركاسىپتىك كەشەندى دامىتۋدا ستراتەگيالىق ماڭىزدى ءرول اتقارادى دەپ ەسەپتەيدى.
جالپى، حالىقتىق شتابتىڭ بارلىق كەزدەسۋلەرىندە ءوڭىر تۇرعىندارى اەس سالۋعا ۇلكەن قىزىعۋشىلىق تانىتىپ، الداعى رەفەرەندۋمعا قاتىسۋعا دايىن ەكەندىكتەرىن جەتكىزدى.