اتوم ەلەكتر ستانسياسىنىڭ (اەس) قۇرىلىسى ۇزاق ۋاقىتتى تالاپ ەتەدى، سەبەبى ونىڭ ءاربىر قۇرىلىمىنىڭ قاۋىپسىزدىگى قاتاڭ باقىلاۋدان وتەدى. ءار كەزەڭدە بارلىق تەحنيكالىق، ەكولوگيالىق جانە قاۋىپسىزدىك تالاپتارى تولىق ساقتالۋى قاجەت. بۇل – اتوم ەنەرگەتيكاسىنىڭ نەگىزگى ارتىقشىلىعى، سەبەبى قاۋىپسىزدىك ءبىرىنشى ورىندا تۇرادى.
ۋراندى پايدالانىپ اەس-تەن ەنەرگيا الاتىن بولساق، ونىڭ پايدالانۋ كوەففيسيەنتى 90%-عا جەتەدى. بۇل دەگەنىمىز، اەس تۇراقتى تۇردە، 24 ساعات بويى، كۇن-تۇن دەمەي ۇزدىكسىز ەنەرگيا وندىرەدى. كۇن ەلەكتر ستانسيالارىنىڭ پايدالانۋ كوەففيسيەنتى نەبارى 18%-دى قۇرايدى، بۇل ولاردىڭ 4 ەسە ءتيىمسىز ەكەنىن كورسەتەدى.
كەيبىرەۋلەر اەس-تى كەز كەلگەن ۋاقىتتا توقتاتىپ، قايتا قوسۋعا بولادى دەپ ويلاۋى مۇمكىن، ءبىراق بۇل دۇرىس ەمەس. اتوم ەلەكتر ستانسياسىن توقتاتىپ، قايتا قوسۋ وتە كۇردەلى جانە ۋاقىت الاتىن پروسەسس.
اتوم ەلەكتر ستانساسى ەشقاشان توقتامايدى. ول 24 ساعات بويى ۇزدىكسىز جۇمىس ىستەيدى. ءار 4-5 جىل سايىن تەحنيكالىق تەكسەرۋ جۇرگىزىلىپ، وتىنى الماستىرىلادى. سودان كەيىن ستانسا تاعى 5 جىل بويى ۇزدىكسىز جۇمىسىن جالعاستىرادى. وسىنداي جۇيە ارقىلى ءبىز ەلدى تۇراقتى ەنەرگيا كوزىمەن قامتاماسىز ەتە الامىز.