اەس سالۋدى قولداۋ جونىندەگى حالىقتىق شتاب مۇشەلەرى استانا قالاسىنداعى كاسىپوداق قىزمەتكەرلەرىمەن كەزدەسۋ وتكىزدى. كەزدەسۋگە «قازاقستاندىق اتوم ەلەكتر ستانسيالارى» ج ش س اتوم ەنەرگەتيكاسى ءبولىمىنىڭ جەتەكشى ينجەنەرى اسۋان سيابەكوۆ جانە ق ر كاسىپوداقتار فەدەراسياسى ءتوراعاسىنىڭ ورىنباسارى نۇرلان وتەشيەۆ قاتىستى، دەپ حابارلايدى aqshamnews.kz
نۇرلان وتەشيەۆ كليماتتىڭ وزگەرۋى مەن ەكولوگيالىق جاعدايدىڭ ناشارلاۋى ماسەلەلەرىنە توقتالىپ، «جاسىل» ەنەرگياعا كوشۋدىڭ ماڭىزدىلىعىن اتاپ ءوتتى. ول اەس-تىڭ جۇمىسشىلاردىڭ جانە حالىقتىڭ جاعدايىن جاقسارتۋدا ۇلكەن مۇمكىندىكتەرى بار ەكەنىن باسا ايتتى.
اسۋان سيابەكوۆ ەلىمىزدەگى ەنەرگوجۇيەنىڭ قازىرگى جاعدايى مەن اەس سالۋدىڭ قاجەتتىلىگى تۋرالى تولىققاندى اقپارات بەردى. قازاقستاننىڭ جىلۋ ەلەكتر ستانسالارىنىڭ 70-80%-ى توزعان، ال كەيبىر قالالاردا بۇل كورسەتكىش 90%-عا جەتىپ وتىر. وسىعان بايلانىستى جاڭا ەنەرگيا كوزدەرىن ىسكە قوسۋ قاجەتتىگى تۋىنداۋدا.
سونىمەن قاتار، ول قازاقستاندا 148 جاڭارتىلاتىن ەنەرگيا كوزدەرىنىڭ نىسانى جۇمىس ىستەپ تۇرعانىن ايتتى. ءبىراق كۇن مەن جەل ەنەرگياسى اۋا رايىنا تاۋەلدى بولعاندىقتان، ولاردىڭ تيىمدىلىگى تومەن. اەس-تىڭ تيىمدىلىگى جوعارى، 90%-دى قۇرايدى، ال جەل جانە كۇن ەلەكتر ستانسيالارىنىڭ كورسەتكىشى ايتارلىقتاي تومەن – سايكەسىنشە 33-35% جانە 18%.
اەس سالۋ جەردى ۇنەمدەۋگە دە مۇمكىندىك بەرەدى. مىسالى، 2،8 گۆت ەنەرگيا الۋ ءۇشىن 8 گۆت-تىق جەل ەلەكتر ستانساسى 4 مىڭ گەكتاردى، ال كۇن ەلەكتر ستانساسى 28 مىڭ گەكتار اۋماقتى قاجەت ەتەدى. بۇل دەگەنىمىز، اەس-تىڭ تيىمدىلىگى جاعىنان الدەقايدا باسىم ەكەندىگىن كورسەتەدى.
قازاقستاننىڭ ۋران ءوندىرىسى بويىنشا الەمدەگى الدىڭعى قاتارلى ەل ەكەنىن ەسكەرە وتىرىپ، سيابەكوۆ اتوم ەنەرگەتيكاسىنا كوشۋدىڭ قولايلى مۇمكىندىكتەرىن اتادى. قازاقستاندا ۋران شيكىزاتى جەتكىلىكتى جانە ونى ءتيىمدى پايدالانۋ كەرەك.
كەزدەسۋ سوڭىندا كاسىپوداق وكىلدەرى اەس سالۋ باستاماسىن قولدادى.