قازاقستاندا اەس سالۋ تاقىرىبى قوعامدا بەلسەندى تۇردە تالقىلانىپ جاتىر. بۇل جوبا ەل ەكونوميكاسىنا، ەلەكتر ەنەرگياسىن ءوندىرۋ مەن تۇتىنۋ جۇيەسىنە ۇلكەن سەرپىن بەرەدى.
اتوم ەلەكتر ستانسياسىن سالۋ ارقىلى ەلىمىز ەنەرگيا تاپشىلىعىن شەشىپ، ەكونوميكالىق دامۋعا جول اشا الادى. قازىرگى تاڭدا قازاقستان اەس سالۋعا قاجەتتى كادرلىق جانە عىلىمي الەۋەتكە يە. ەنەرگەتيكا سالاسىنداعى ماماندار مەن عالىمدار دا بۇل جوبانىڭ ەل دامۋىنا وڭ اسەر ەتەتىنىن ايتۋدا.
اەس سالۋ ەلدەگى تۇراقتى ەنەرگيا كوزدەرىن دامىتۋعا مۇمكىندىك بەرەدى، سەبەبى قازىرگى ەنەرگەتيكالىق ينفراقۇرىلىمنىڭ باسىم بولىگى كومىر مەن گازعا تاۋەلدى. بۇل رەسۋرستار ۋاقىت وتە كەلە تاۋسىلادى نەمەسە ەكولوگيالىق زيان تيگىزەدى. ال اتوم ەنەرگەتيكاسى تۇراقتى، ءتيىمدى جانە ەكولوگيالىق تازا قۋات كوزى بولىپ تابىلادى. سونداي-اق، اەس سالۋ ەلەكتر ەنەرگياسىن كورشى ەلدەردەن يمپورتتاۋدى ازايتىپ، قازاقستاننىڭ ەنەرگەتيكالىق تاۋەلسىزدىگىن نىعايتادى.
قازاقستاندا ۋران قورى مول، سوندىقتان اتوم ەنەرگەتيكاسىن دامىتۋ ەكونوميكالىق تۇرعىدان ءتيىمدى. وزىمىزدە وندىرىلەتىن ۋراندى پايدالانىپ، اەس ارقىلى تازا جانە ءقاۋىپسىز ەنەرگيا ءوندىرۋ ەلىمىزدىڭ الەۋەتىن ارتتىرادى. بۇل سالاداعى زاماناۋي تەحنولوگيالار اتوم ەنەرگياسى جونىندەگى حالىقارالىق اگەنتتىكتىڭ تالاپتارىنا ساي كەلەدى، سوندىقتان اەس قۇرىلىسى مەن جۇمىس ىستەۋ قاۋىپسىزدىگى قاتاڭ قاداعالاناتىن بولادى.
اەس قۇرىلىسى مىڭداعان جاڭا جۇمىس ورىندارىن اشىپ، ينفراقۇرىلىمدى دامىتۋعا سەرپىن بەرەدى. جاڭا جولدار، مەكتەپتەر، اۋرۋحانالار جانە تۇرعىن ۇيلەر سالىنىپ، حالىقتىڭ ءومىر ساپاسى جاقسارادى. بۇل جوبا ەلدىڭ ۇزاق مەرزىمدى تابىستى دامۋىنىڭ كەپىلى بولماق.