رەسەي فەدەراسياسىنىڭ قولدانىستاعى زاڭناماسىنا سايكەس "گارمالا" ("ادىراسپان") وسىمدىگى قۇرامىندا ەسىرتكى نەمەسە پسيحوتروپتىق زاتتار نەمەسە ولاردىڭ پرەكۋرسورلارى بار وسىمدىكتەر تىزىمىنە ەنگىزىلگەن، دەپ حابارلايدى Almaty-akshamy.kz باس پروكۋراتۋراعا سىلتەمە جاساپ.
بۇل وسىمدىكتى رەسەي فەدەراسياسىنىڭ مەملەكەتتىك شەكاراسى ارقىلى زاڭسىز وتكىزگەنى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جانە ءبىر ميلليون رۋبلگە دەيىنگى نەمەسە سوتتالعان ادامنىڭ بەس جىلعا دەيىنگى كەزەڭدە جالاقىسى نەمەسە باسقا كىرىسى مولشەرىندە ايىپپۇل تۇرىندە نەمەسە ونسىز جانە ءبىر جىلعا دەيىنگى مەرزىمگە باس بوستاندىعىن شەكتەۋمەن نەمەسە ونسىز قىلمىستىق جاۋاپتىلىق قاراستىرىلعان، ال وسىمدىكتى اسا ءىرى مولشەردە اكەلگەنى ءۇشىن - 15 جىلدان 20 جىلعا دەيىن باس بوستاندىعىنان ايىرۋ كوزدەلگەن.
رەسەي فەدەراسياسىنىڭ اۋماعىنا دەمالىس كەزىندە كەتەتىن ازاماتتار سانىنىڭ ارتۋىنا بايلانىستى، قىلمىستىق جاۋاپكەرشىلىكتى بولدىرماۋ ءۇشىن باس پروكۋراتۋرا ازاماتتارعا اتالعان وسىمدىكتى رەسەي فەدەراسياسىنىڭ مەملەكەتتىك شەكاراسى ارقىلى وتكىزۋدەن باس تارتۋدى ەسكەرتەدى.