ق ر مادەنيەت جانە اقپارات مينيسترلىگىنىڭ قولداۋىمەن 2024 جىلعى 1 ناۋرىز - العىس ايتۋ كۇنى، جاڭا «بىرلىك ءانسامبلى» اتتى ءان-بي ۇجىمىنىڭ تۇساۋكەسەرى- كونسەرت وتەدى.
شىعارماشىلىق ۇجىم روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ جانىنان جاندى اسپاپتىق سۇيەمەلدەۋمەن الەم حالىقتارىنىڭ بيلەرىن زەردەلەيتىن جانە كاسىبي دەڭگەيدە ورىندايتىن حالىقارالىق ۇجىمدى قالىپتاستىرۋ، وسكەلەڭ ۇرپاقتى باسقا ۇلتتاردىڭ ونەرى مەن مادەنيەتىمەن تانىستىرۋ، سونداي-اق قوعام ساناسىندا مادەني كود رەتىندە كوپ ۇلتتى قازاقستان حالقىنىڭ بىرلىگىن نىعايتۋ ماقساتىندا قۇرىلدى.
«ءوز ىسىنە، ونەرىنە جان-تانىمەن بەرىلگەن دارىندى ارتىستەردىڭ ارقاسىندا ءبىزدىڭ باي مادەنيەتىمىز بەن تاريحىمىز ۇرپاقتان-ۇرپاققا جالعاسىپ، حالىقارالىق ارەنالاردا ايقىن كورىنىسكە يە. بۇگىندە ەلىمىزدە 25 انسامبل جۇمىس ىستەيدى.
قازاقستان مەن تمد ەلدەرى تاريحىندا تۇڭعىش رەت كوپۇلتتى ءان مەن بي ءانسامبلىن قۇردىق. ۇجىمنىڭ بىرەگەي رەپەرتۋارى قازاق حالقىنىڭ تاريحىمەن جانە تاۋەلسىز قازاقستاننىڭ قالىپتاسۋىمەن تىعىز بايلانىستى 130 ەتنوستىڭ مۋزىكالىق مۇراسى مەن ونەرىن قامتيدى. ءانسامبلدىڭ تۇساۋكەسەرى العىس ايتۋ كۇنىنە ورايلاستىرىلعان. انسامبل ءارتۇرلى حالىقتاردى بىرىكتىرەتىن بىرلىك پەن ۇيلەسىمنىڭ نىشانىنا جانە قازاقستاننىڭ برەندىنە اينالاتىنىنا سەنىمدىمىن»، - دەدى ايدا بالايەۆا.
«بىرلىك ءانسامبلىن» قۇرۋ بويىنشا جۇمىس اياسىندا كاستينگ وتكىزىلدى، وندا ءار الۋان ۇلت وكىلدەرى مەن مۋلتيينسترۋمەنتاليستەر اراسىنان 20 ۇزدىك ءبيشى مەن مۋزىكانت تاڭدالدى.
1 ناۋرىز كۇنى كوپشىلىك جانە جەكە حورەوگرافيالىق شىعارمالار، اسپاپتىق جانە ۆوكالدىق نومىرلەر ورىندالادى. بي نومىرلەرىن جانە بىرەگەي بي كومپوزيسيالارىن قويۋ ماقساتىندا بىرلەسكەن جۇمىس پەن تاجىريبە الماسۋ ءۇشىن كورنەكتى شەتەلدىك حورەوگرافتار، رەسەي، تاتارستان، وزبەكستان جانە قازاقستاننىڭ ەڭبەك سىڭىرگەن قايراتكەرلەرى شاقىرىلدى.