ادىلەت كاپيتانى پاراعا دونەر الىپ، شەنىنەن ايىرىلدى

پاراعا دونەر الىپ، باسى داۋعا ىلىكتى. 

ك. شىمكەنت قالاسى جانە تۇركىستان وبلىسى بويىنشا قاجد ەڭبەكشى اۋداندىق پروباسيا قىزمەتى ءبولىمىنىڭ اعا ينسپەكتورى لاۋازىمىن اتقارىپ ءجۇرىپ، ياعني قۇقىق قورعاۋ ورگانىنىڭ قىزمەتكەرى بولا تۇرا 12 قازان 2023 جىلى ساعات 20:00 دەر شاماسىندا جانە 22 قازان 2023 جىلى 19 ساعات 30 مينۋت شاماسىندا ءوزىنىڭ باقىلاۋىنداعى سوتتالعان – جازا وتەۋشى ن.-نىڭ پايداسىنا جاساعان ىس-ارەكەتى، ياعني قاداعالاۋ جانە باقىلاۋ جۇمىستارىن جۇرگىزۋ كەزىندە جالپى قامقورلىعى ءۇشىن 12 668 تەڭگە تۇراتىن تاعامداردى (فاستفۋد) پارا رەتىندە الدىرعان.

«سوتتالۋشىنىڭ كورسەتىلگەن قىلمىستىق قۇقىق بۇزۋشىلىقتى جاساعان كىناسى ءىس بويىنشا جيناقتالعان جانە قىلمىستىق ءىس قىسقارتىلعان تارتىپپەن قارالعاندىقتان زەرتتەلمەگەن ءىس بويىنشا جيناقتالعان دالەلدەمەلەرمەن جانە باسقا ءىس ماتەريالدارىمەن تولىق ءوز دالەلىن تاپقان»، - دەپ حابارلادى شىمكەنتتىڭ قىلمىستىق ىستەر جونىندەگى اۋدانارالىق سوتىنىڭ باسپا ءسوز قىزمەتى.

پروكۋرور ك.-عا قك-نىڭ 366-بابىنىڭ 1-1-بولىگىمەن، 2 جىل باس بوستاندىعىنان ايىرۋ جازاسىن جانە ونى مەملەكەتتىك قىزمەتتە جۇمىس اتقارۋ قۇقىعىنان ءومىر بويىنا ايىرۋ قوسىمشا جازاسىن تاعايىنداۋدى سۇرادى.

سوتتالۋشى مەن ونىڭ قورعاۋشى ادۆوكاتى سوتتالۋشىعا جەڭىل جازا تاعايىنداۋدى سۇرادى.

سوت، سوتتالۋشىنىڭ قىلمىستىق جاۋاپكەرشىلىكتى جەڭىلدەتەتىن ءمان-جايلار رەتىندە ونىڭ جاساعان قىلمىسىن تولىعىمەن مويىنداپ وكىنىش بىلدىرگەنىن، الدىن سوتتى بولماعانىن، اسىراۋىندا جاس بالاسى بار جانە قازىرگى تاڭدا ەكىنشى بالاعا جۇكتى ەكەنىن، ال ءوزىنىڭ كاسىبي انتىن بۇزا وتىرىپ قىلمىس جاساعانىن قىلمىستىق جاۋاپكەرشىلىكتى اۋىرلاتاتىن ءمان-جاي رەتىندە ەسكەردى.

«سوت، ك-نى قىلمىستىق كودەكسىنىڭ 366-بابىنىڭ 1-1-بولىگىندە كوزدەلگەن قىلمىستىق قۇقىق بۇزۋزۋشىلىق جاساعانى ءۇشىن كىنالى دەپ تانىپ، ونى مەملەكەتتىك قىزمەتتە جۇمىس اتقارۋ قۇقىعىنان ءومىر بويىنا ايىرا وتىرىپ، وعان پارانىڭ 25 ەسەلەنگەن سوماسى مولشەرىندە، ياعني 316 700 تەڭگە ايىپپۇل جازاسىن تاعايىندادى جانە قك-نىڭ 49-بابىنىڭ 1-بولىگىنە ساي، ك. «ادىلەت كاپيتانتى» دەگەن ارناۋلى شەنىنەن ايىردى»، - دەلىنگەن سوت ۇكىمىندە.