وتكەن جىلدىڭ كۇزىندە اسكەرگە شاقىرىلعان جۇزگە جۋىق سارباز د-6 پاراشيۋتىمەن العاشقى سەكىرۋلەرىن ورىندادى.
اسكەري قىزمەتشى سەكىرۋگە پسيحيكالىق جانە دەنە دايىندىعى تۇرعىسىنان دايىن بولعان كەزدە عانا رۇقسات بەرىلەدى. بۇل رەتتە باتىلدىق، قيىن جاعدايدا تەز شەشىم قابىلداۋ مەن ارەكەت ەتۋ قابىلەتى عانا ەمەس، ودان بولەك كۇش-قۋات دايىندىعى دا ايتارلىقتاي ماڭىزدى ورىن الادى، دەپ حابارلايدى اlmaty-akshamy.kz.
سوندىقتان پاراشيۋتپەن العاشقى سەكىرۋدەن بۇرىن جەردە كوپتەگەن جاتتىعۋلار جاسالدى. پاراشيۋتپەن سەكىرۋدىڭ بارلىق ەلەمەنتتەرى مۇقيات ورىندالىپ، جەتىك پىسىقتالدى.
– پاراشيۋتپەن سەكىرۋ – دەسانتشىلاردى جاۋىنگەرلىك دايارلاۋدىڭ نەگىزگى ەلەمەنتى جانە اۋە-دەسانتتىق دايارلىقتىڭ ەڭ كۇردەلى ءارى جاۋاپتى كەزەڭدەرىنىڭ ءبىرى. ساربازدار جارادى، بارلىعى تاپسىرمانى مۇلتىكسىز ورىنداپ شىقتى، – دەدى اۋە دەسانتى دايارلىعى ءبولىمىنىڭ اعا وفيسەرى مايور قايرات چاليمبەكوۆ.
پاراشيۋتپەن سەكىرۋ مي-17 تىكۇشاعىنان 800 مەتر بيىكتىكتەن جۇزەگە اسىرىلدى. اسپاننان قۇلديلاۋ تاجىريبەسى جاس دەسانتشىلارعا ۇمىتىلماس اسەر قالدىردى، ەڭ باستىسى، ولار وزدەرىنە دەگەن سەنىمدىلىكتى ارتتىردى.