ول سايلاۋعا قاتىسۋدان باس تارتتى.
ادىلبەك جاقسىبەكوۆ قازاقستان فۋتبول فەدەراسياسىنىڭ پرەزيدەنتى لاۋازىمىن سايلاۋداعى جاڭا مەرزىمگە قاتىسۋدان باس تارتىپ، ۇندەۋ جاسادى، دەپ حابارلايدى Almaty-akshamy.kz.
«قفف مۇشەلەرىنىڭ باسىم بولىگى مەنى قولدايتىنىن ءبىلدىرىپ، كانديدات رەتىندە ۇسىنعانىنا قاراماستان، مەن جاڭا مەرزىمگە سايلانباۋدان باس تارتتىم. مەنىڭ ويىمشا، فەدەراسيا ءتوراعالىعىنان باس تارتۋدىڭ ۋاقىتى كەلدى. قفف پرەزيدەنتتىگىنە لايىقتى ۇمىتكەرلەر كوپ جانە الداعى سايلاۋعا قوعامنىڭ قىزىعۋشىلىعىن بايقاۋعا بولادى. بۇل فەدەراسيانىڭ جوعارى بەدەلىن، فۋتبولعا دەگەن ۇلكەن قىزىعۋشىلىقتى، ونىڭ دامۋى ءۇشىن جۇمىس ىستەۋگە دەگەن زور قۇلشىنىسىنىڭ كورسەتكىشى جانە بۇل دا فەدەراسيانىڭ سوڭعى جىلداردارى جۇرگىزگەن جۇمىسىنىڭ جەمىسى. ۇمىتكەرلەردىڭ بارلىعىن جاقسى بىلەمىن، ءبىز كوپ جىلدار بويى بىرگە جۇمىس ىستەدىك. مەن فەدەراسيا مۇشەلەرى لايىقتى پرەزيدەنتتى سايلايتىنىنا سەنىمدىمىن جانە بارلىق ۇمىتكەرلەرگە الداعى سايلاۋدا ساتتىلىك تىلەيمىن»، - دەدى ءوز مالىمدەمەسىندە ادىلبەك جاقسىبەكوۆ.
ءبىر كۇن بۇرىن اتالعان فەدەراسيانىڭ سايلاۋ كوميتەتىنىڭ جيىنى وتكەن. شارا بارىسىندا كوميتەت قفف پرەزيدەنتى سايلاۋىنا قاۋىمداستىق مۇشەلەرى ۇسىنعان ۇمىتكەرلەردىڭ قۇجاتتارىن قاراعان.
«سايلاۋ 2022 جىلدىڭ 28 اقپانىندا قفف كونفەرەنسياسىندا وتەدى»، - دەلىنگەن حابارلامادا.