وسى جىلدان باستاپ ق ر «قازاقستان رەسپۋبليكاسىنداعى تۋريستىك قىزمەت تۋرالى» زاڭى كۇشىنە ەندى
سوعان سايكەس، زاڭناماعا ءبىرقاتار ماڭىزدى تۇزەتۋلەر ازىرلەندى، دەپ حابارلايدى Almaty-akshamy.kz
اتاپ ايتقاندا،تۋريزم سالاسىنداعى ينۆەستيسيالىق جوبالاردى دامىتۋ بولىگىندە 2022 جىلعى 1 قاڭتاردان باستاپ ينۆەستيسيالىق باسىم كەلىسىمشارتقا قول قويۋ جانە ءتيىستى پرەفەرەنسيالار الۋ ءۇشىن ينۆەستور جوبانى ىسكە اسىرۋعا كەمىندە 200 مىڭ اەك (612،6 ملن تەڭگە) سالۋى ءتيىس. ماسەلەن، جاڭا وندىرىستەر قۇرۋ كەزىندە بارلىق جوبالار ءۇشىن جالپى شەك - 2 ملن اەك (6،1 ملرد تەڭگەدەن استام)، جۇمىس ىستەپ تۇرعاندارىن جاڭارتۋ كەزىندە - 5 ملن اەك (15،3 ملرد تەڭگەدەن استام)، تاماق جانە جەڭىل ونەركاسىپ سالاسىندا جاڭا وندىرىستەر قۇرىلعان جاعدايدا – 1 ملن اەك (3 ملرد تەڭگە) بولادى.
سونىمەن قاتار كاسىپكەرلىك كودەكسىندە تۋريستىك قىزمەت شاعىن جانە ورتا كاسىپكەرلىكپەن، يندۋستريالىق-يننوۆاسيالىق قىزمەتپەن، ينۆەستيسيالىق قىزمەتپەن جانە اگروونەركاسىپتىك سەكتورمەن قاتار كاسىپكەرلىكتى قولداۋدىڭ نەگىزگى باعىتتارىنا دا ەنگىزىلگەن.
«وسىلايشا، بيزنەس ءاربىر شەتەلدىك تۋريست ءۇشىن كەلۋ ءتۋريزمى سالاسىنداعى تۋروپەراتورلاردىڭ شىعىندارىن سۋبسيديالاۋ، تۋريستىك قىزمەت وبەكتىلەرىن سالۋ، رەكونسترۋكسيالاۋ، تاۋ شاڭعىسى كۋرورتتارى ءۇشىن جابدىقتار مەن تەحنيكانى ساتىپ الۋ، سانيتارلىق-گيگيەنالىق توراپتاردى كۇتىپ-ۇستاۋ، جول بويىنداعى سەرۆيس وبەكتىلەرىن سالۋ جانە تاعى باسقالارى كەزىندە شىعىنداردىڭ ءبىر بولىگىن وتەۋ تۇرىندە قولداۋ الاتىن بولادى»، - دەپ اتاپ ءوتتى «KAZAKH INVEST» ۇك» اق سەرۆيستىك قولداۋ دەپارتامەنتىنىڭ ديرەكتورى اليدا تۇيەبەكوۆا.