قازاقستان رەسپۋبليكاسى پرەزيدەنتىنىڭ 2015 جىلعى 29 جەلتوقسانداعى№ 153 جارلىعىمەن بەكىتىلگەن ادەپ جونىندەگى ۋاكىل تۋرالى ەرەجەگە سايكەس، ادەپ جونىندەگى ۋاكىل – قىزمەتتىك ادەپ نورمالارىنىڭ ساقتالۋىن جانە مەملەكەتتىك قىزمەت، سىبايلاس جەمقورلىققا قارسى ءىس-قيمىل تۋرالى زاڭناما مەن قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىن (بۇدان ءارى – ادەپ كودەكسى) بۇزۋشىلىقتاردىڭ پروفيلاكتيكاسىن قامتاماسىز ەتۋ قىزمەتىن جۇزەگە اسىراتىن، سونداي-اق ءوز فۋنكسيالارى شەگىندە مەملەكەتتىك قىزمەتشىلەر مەن ازاماتتارعا كونسۋلتاسيا بەرەتىن مەملەكەتتىك قىزمەتشى.
ادەپ جونىندەگى ۋاكىل ءوز قىزمەتىندە "قازاقستان رەسپۋبليكاسىنىڭ مەملەكەتتىك قىزمەتى تۋرالى"، "سىبايلاس جەمقورلىققا قارسى ءىس-قيمىل تۋرالى" قازاقستان رەسپۋبليكاسىنىڭ زاڭدارىن، ادەپ كودەكسىن، وسى ەرەجەنى، سونداي-اق قازاقستان رەسپۋبليكاسىنىڭ وزگە دە زاڭنامالىق اكتىلەرىن باسشىلىققا الادى.
قازىرگى ۋاقىتتا مەملەكەتتىك قىزمەتتىڭ ساپاسى مەن بەدەلى قوعامنىڭ مەملەكەتتىك بيلىك ينستيتۋتتارىنا دەگەن سەنىمىمەن تىكەلەي بايلانىستى. وسىعان وراي مەملەكەتتىك قىزمەتشىلەردىڭ ادەپ نورمالارىن ساقتاۋى ماڭىزدى تالاپ بولىپ تابىلادى. مەملەكەتتىك قىزمەت جۇيەسىندە اتالعان باعىتتى قامتاماسىز ەتۋ ماقساتىندا ادەپ جونىندەگى ۋاكىل ينستيتۋتى قۇرىلعان. بۇل ينستيتۋت مەملەكەتتىك اپپاراتتاعى ءتارتىپ پەن مادەنيەتتى نىعايتۋعا، سونداي-اق قوعام تاراپىنان سەنىمدى ارتتىرۋعا باعىتتالعان.
بۇگىنگى تاڭدا الماتى قالاسىنىڭ مەملەكەتتىك ورگاندارىندا ادەپ جونىندەگى ۋاكىلدىڭ فۋنكسيالارىن 33 مەملەكەتتىك قىزمەتشى اتقارادى:
• 1 — الماتى قالاسى اكىمى اپپاراتىنىڭ ورگاندارىندا ادەپ جونىندەگى ۋاكىلدىڭ دەربەس لاۋازىمى،
• 22 — اۋماقتىق مەملەكەتتىك ورگاندارىندا،
• 10 — اۋداندىق دەڭگەيلەردە.
ادەپ جونىندەگى ۋاكىلدىڭ قىزمەتى مىناداي نەگىزگى باعىتتاردى قامتيدى:
1. كەڭەس بەرۋ جانە ءتۇسىندىرۋ قىزمەتى. مەملەكەتتىك قىزمەتشىلەرگە ادەپ نورمالارىن ساقتاۋ، مىنەز-قۇلىق ستاندارتتارىن دۇرىس قولدانۋ ماسەلەلەرى بويىنشا ادىستەمەلىك كومەك كورسەتەدى.
2. قاداعالاۋ جانە مونيتورينگ. ادەپ كودەكسىنىڭ تالاپتارىن ساقتاۋ بارىسىنا باقىلاۋ جۇرگىزەدى جانە انىقتالعان بۇزۋشىلىقتار تۋرالى ءتيىستى شارالار قابىلدايدى.
3. داۋ-دامايلاردى رەتتەۋ. ۇجىم ىشىندە تۋىنداعان ادەپكە قاتىستى ماسەلەلەردى قاراستىرادى، تاراپتاردى كەلىسىمگە شاقىرىپ، بەيتاراپ شەشىمدەر قابىلداۋعا ىقپال ەتەدى.
4. الدىن الۋ شارالارى. سىبايلاس جەمقورلىق تاۋەكەلدەرىن تومەندەتۋ، ادەپكە قايشى ارەكەتتەردىڭ الدىن الۋ ماقساتىندا ءتۇسىندىرۋ جۇمىستارىن ۇيىمداستىرادى.
5. ۇجىمدىق احۋالدى نىعايتۋ. مەملەكەتتىك قىزمەتشىلەر اراسىندا سەنىمدى قارىم-قاتىناس ورناتۋعا، مورالدىق-پسيحولوگيالىق جاعدايدى جاقسارتۋعا جاعداي جاسايدى.
ادەپ جونىندەگى ۋاكىلدىڭ قىزمەتى مەملەكەتتىك اپپاراتتاعى ءتارتىپتىڭ نىعايۋىنا جانە مەملەكەتتىك قىزمەتشىلەردىڭ كاسىبي ەتيكاسىنىڭ جوعارىلاۋىنا ىقپال ەتەدى. ونىڭ قىزمەتى ناتيجەسىندە:
- مەملەكەتتىك قىزمەتتىڭ بەدەلى ارتادى؛
- حالىقتىڭ بيلىك ينستيتۋتتارىنا دەگەن سەنىمى كۇشەيەدى؛
- مەملەكەتتىك قىزمەتشىلەر اراسىندا زاڭدىلىق پەن ادەپتىلىك پرينسيپتەرى ورنىعادى؛
- ەڭبەك ۇجىمدارىندا جاعىمدى احۋال قالىپتاسادى.
ادەپ جونىندەگى ۋاكىل – مەملەكەتتىك قىزمەت جۇيەسىندە ماڭىزدى ينستيتۋت. ول مەملەكەتتىك قىزمەتشىلەردىڭ ادەپ نورمالارىن ساقتاۋعا باعىتتالعان ءىس-شارالاردى ۇيلەستىرەدى، زاڭدىلىق پەن ءتارتىپتى قامتاماسىز ەتەدى. وسى ينستيتۋتتىڭ ءتيىمدى قىزمەتى مەملەكەتتىك اپپاراتتىڭ ءيميدجىن نىعايتىپ، قوعامنىڭ سەنىمىن ارتتىرۋعا مۇمكىندىك بەرەدى.
دەپارتامەنتپەن ادەپ جونىندەگى ۋاكىلدەردىن جۇمىستارىن ۇيلەستىرۋ تۇراقتى تۇردە جۇرگىزۋلىدە.