دەپارتامەنتپەن مەملەكەتتىك ورگاندار قىزمەتشىلەرىنىڭ جۇمىس ۋاقىتى رەجيمىن ساقتاۋى بويىنشا تۇراقتى تۇردە مونيتورينگ جۇرگىزىلەدى. قالا بويىنشا 71 مەملەكەتتىك ورگاننىڭ تەك 39-دا قەبج (جاو-13، او-26) ورناتىلعان، بۇل رەتتە "ە - قىزمەت" جۇيەسىمەن ينتەگراسيالانعان-11 (جاو-3، او-8). قەبج جۇيەسىمەن تولىق جابدىقتاۋدى قامتاماسىز ەتۋدەگى قيىندىقتار قارجىلىق ماسەلەلەردەن تۋىندايدى.
اگەنتتىك ءتوراعاسىنىڭ 2023 جىلعى 29 مامىرداعى № 121 بۇيرىعىمەن بەكىتىلگەن "مەملەكەتتىك ورگانداردىڭ جۇمىس ۋاقىتى رەجيمىن ساقتاۋىنا مونيتورينگ جۇرگىزۋ قاعيدالارىنىڭ" تالاپتارى نەگىزىندە دەپارتامەنتپەن ءتيىستى ءىس-شارالار جۇرگىزىلەدى.
2025 جىلعا بەكىتىلگەن جوسپارعا سايكەس قالانىڭ 19 مەملەكەتتىك ورگانىندا مونيتورينگ جۇرگىزىلدى.
ناتيجەلەرى بويىنشا دەپارتامەنت ماماندارى ءتيىستى اكتىلەر جاساعان 48 مەملەكەتتىك قىزمەتشىنىڭ جۇمىستان تىس ۋاقىتتا بولۋ فاكتىلەرى انىقتالدى. بارلىق مەملەكەتتىك قىزمەتشىلەردىڭ قۇقىقتارى قوسىمشا دەمالىس ۋاقىتىن بەرۋ ارقىلى قالپىنا كەلتىرىلدى (بارلىعى 63 ساعات 10 مينۋت).
سونداي-اق، قاشىقتىقتان مونيتورينگ جۇرگىزۋ ارقىلى 44 مەملەكەتتىك قىزمەتشىنىڭ جۇمىس ۋاقىتى ساقتالماعانى انىقتالدى. بارلىق مەملەكەتتىك قىزمەتشىلەردىڭ قۇقىقتارى دەمالىس ۋاقىتىن بەرۋ ارقىلى قالپىنا كەلتىرىلدى (بارلىعى 113 ساعات 42 مينۋت).
ازاماتتاردىڭ وتىنىشتەرى بويىنشا 3 جوسپاردان تىس تەكسەرۋ جۇرگىزىلدى، ولاردىڭ ناتيجەلەرى بويىنشا 5 قىزمەتكەر جۇمىس ۋاقىتى رەجيمىن ساقتاماعانى انىقتالدى.
مەملەكەتتىك قىزمەتشىلەردىڭ قۇقىقتارى دەمالىس ساعاتتارىن (20 ساعات 52 مينۋت) بەرۋ جانە مەملەكەتتىك ورگاندار باسشىلارىنىڭ اكىمشىلىك جاۋاپكەرشىلىگىن قاراۋ ارقىلى قالپىنا كەلتىرىلدى.
ايتا كەتۋ كەرەك، دەپارتامەنت جۇرگىزىپ جاتقان جۇمىستاردىڭ ناتيجەسىندە جۇمىس ۋاقىتىن بۇزۋ سانى 150 مەملەكەتتىك قىزمەتشىدەن 82-گە دەيىن، ال ارتىق جۇمىس ساعاتتارى 565 ساعاتتان 130 ساعاتقا دەيىن ازايدى.
مەملەكەتتىك قىزمەتشىلەردى جۇمىستان تىس ۋاقىتتا جۇمىسقا تارتۋ فاكتىلەرىنىڭ الدىن الۋ ماقساتىندا دەپارتامەنتپەن مەملەكەتتىك ورگانداردىڭ كادر قىزمەتى قىزمەتكەرلەرىمەن جانە ادەپ جونىندەگى ۋاكىلدەرمەن تۇراقتى نەگىزدە ءتۇسىندىرۋ ءىس-شارالارى جۇرگىزىلەدى.
سونداي-اق، ەكىنشى جارتىجىلدىققا بارۋ ارقىلى مونيتورينگ جوسپارى بەكىتىلدى، وندا 18 مەملەكەتتىك ورگاندى قامتۋ جوسپارلانۋدا.
اتالعان باعىتتا جۇمىس جالعاساتىن بولادى.