جەرگىلىكتى تۇرعىندار مەن قۇتقارۋشىلار دەر كەزىندە كەلگەن
كەشە قوستاناي وبلىسىندا اۋا رايى كۇرت بۇزىلىپ كەتۋىنە بايلانىستى جىلقىسىن قاراۋعا شىققان امانگەلدى اۋدانىنىڭ تۇرعىنى يەن دالادا اداسىپ كەتكەن. دەر كەزىندە كومەككە كەلگەن جەرگىلىكتى تۇرعىندار مەن قۇتقارۋشىلاردىڭ ارقاسىندا اداسقان جىلقىشى امان-ەسەن تابىلدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ەندى بولعان وقيعاعا كەڭىنەن توقتالساق، ناۋرىزدىڭ 14ء-ى كۇنى تاڭەرتەڭ اۋىلىنىڭ سىرتىندا ورىستە جۇرگەن جىلقىلارىنان كوز جازىپ قالعان 37 جاستاعى امانگەلدى ىزدەۋگە بەل بۋىپ، ۇيىنەن شىعىپ كەتەدى. وسىلايشا جوق ىزدەپ كەتكەن اۋىل تۇرعىنى ءتۇن ورتاسىنا دەيىن ۇيىنە ورالماپتى. وتباسى سوڭىنا دەيىن كۇتىپ، اقىرى اۋا رايىنىڭ كۇرت بۇزىلۋىنا بايلانىستى وتاعاسىنىڭ حابارسىز كەتكەنىن ايتىپ دابىل قاعادى. دەر كەزىندە كومەككە كەلگەن جەرگىلىكتى تۇرعىندار مەن قۇتقارۋشىلار ناۋرىزدىڭ 14-ىنەن 15-ىنە قاراعان ءتۇنى جەدەل ىزدەستىرۋ جۇمىستارىن باستايدى.
«اتاپ ايتار بولساق، بۇگىن تۇنگى ساعات 00:30-دا جەرگىلىكتى توتەنشە جاعدايلار قىزمەتىنىڭ ەكى قىزمەتكەرى مىنگەن «نيۆا-برونتو» اۆتوكولىگى، پوليسيا ءبولىمى جاساقتارى مەن جەرگىلىكتى تۇرعىنداردان قۇرىلعان توپ امانگەلدى اۋىلىنىڭ توڭىرەگىندەگى 45 شاقىرىم جەردى تولىق شولىپ شىقتى. ناتيجەسىندە تۇنگى ساعات 01:50-دە سول اۋداننىڭ شوپتىكول اۋىلىنان 10 شاقىرىم جەردەگى القاپتان جوق ىزدەگەن جىلقىشى امان-ەسەن تابىلدى. ونىڭ دەنساۋلىعىنا ەشبىر زيان كەلمەگەن. ءدىن امان. سوندىقتان وعان مەديسينالىق كومەك قاجەت بولمادى. وسىلايشا تۇتاس اۋداندى اياعىنان تىك تۇرعىزعان جىلقىشى تۇرعىلىقتى جەرى بويىنشا امانگەلدى اۋىلىنداعى وتباسىنا جەتكىزىلدى»،- دەيدى قوستاناي وبلىسىنىڭ توتەنشە جاعدايلار جونىندەگى دەپارتامەنتىنىڭ باسپا ءسوز حاتشىسى ءۋاليحان دۋسانوۆ.