ماسكەۋ بيرجاسىندا تەڭگەگە دەگەن سۇرانىس كۇرت كوبەيىپتى
ق ر ۇلتىق ەكونوميكا ءمينيسترى الىبەك قۋانتىروۆ بۇل قۇبىلىستى جاقسىلىققا جورىپ وتىر، دەپ حابارلايدى اlmaty-akshamy.kz
ونىڭ ايتۋىنشا، دۇربەلەڭ كەزەڭدەردى ەسكەرمەگەندە، تەڭگە بيىل ايتارلىقتاي تۇراقتى ۆاليۋتا ەكەنىن كورسەتتى. ءتۇرلى فاكتورلاردىڭ ىقپالىنان ءدال وسى رۋبلگە شاققاندا تەڭگە ازداپ قۇلدىرادى. قازىرگى جاعدايدى ەسكەرە وتىرىپ، تەڭگە كۇشەيەدى دەپ بولجاۋعا بولادى.
«ۆاليۋتا ماسكەۋ بيرجاسىندا ساۋدالانىپ جاتىر، بۇل – جاقسى كورسەتكىش. تەڭگەگە سۇرانىس بار دەگەن ءسوز. مەنىڭ ويىمشا، بۇل ترەند تەڭگەنىڭ دوللار مەن باسقا ۆاليۋتالارعا قاتىستى نىعايۋىنا مۇمكىندىك بەرەدى. ينفلياسياعا دا وڭ اسەرىن تيگىزەدى. سەبەبى ءبىز تاۋارلار مەن ازىق-تۇلىكتىڭ ءبىر بولىگىن رەسەيدەن تاسيمىز. ال رۋبل-تەڭگە پاريتەتىنە كەلسەك، تەڭگە نىعاياتىن سياقتى»، – دەدى ق ر ۇلتتىق ەكونوميكا ءمينيسترى الىبەك قۋانتىروۆ.