الماتى قالاسىن دامىتۋ باعدارلاماسى اۆتوبۋس پاركىن جاڭارتۋ مەن ونى ەكولوگيالىق تازا ەتۋدى ەسكەرە وتىرىپ، قوعامدىق كولىكتى دامىتۋعا باسىمدىق بەرەدى.
بۇل تۋرالى الماتى قالاسىنىڭ اكىمى ە.دوسايەۆ ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى Almaty-akshamy.kz.
«بيىل ەكى مەترو ستانسياسى ىسكە قوسىلدى، 550 جاڭا اۆتوبۋس پەن تروللەيبۋس ساتىپ الىندى (پارك 22،5%-عا جاڭارتىلدى)، 2 ماگيسترالدى كوشە ۇزارتىلدى، 25 كم جاڭا جول سالىندى، 200 كم جولعا ورتاشا جوندەۋ جۇرگىزىلدى.
2023 جىلى كولىك ينفراقۇرىلىمىن دامىتۋ شەڭبەرىندە گازبەن جۇرەتىن 300 جاڭا اۆتوبۋس پەن 100 تروللەيبۋس ساتىپ الىنادى، 80 ايالداما ورناتىلادى»، - دەدى الماتى اكىمى ە.دوسايەۆ.
200 كم جولعا ورتاشا جوندەۋ جۇرگىزىلىپ، 30 كم تروتۋار سالىنادى، 2 كولىك جولايرىعى (بۇقتىرما – قۇلجا كۇرە جولى، ساين-موڭكە بي كوشەسى) اياقتالادى.
ناتيجەسىندە، جىلدىڭ سوڭىنا قاراي جاقسى جانە قاناعاتتانارلىق جاعدايداعى جولداردىڭ ۇلەسى 89%-كە جەتەدى.
قالا اۋداندارى اراسىنداعى بايلانىستى قامتاماسىز ەتۋ ءۇشىن الماتى اگلومەراسياسىن دامىتۋدى ەسكەرە وتىرىپ، 2040 جىلعا دەيىن الماتى قالاسىنىڭ كولىك كاركاسىن دامىتۋدىڭ شەبەرلىك جوسپارى ازىرلەنەتىن بولادى.