ىشكى ىستەر مينيسترلىگى «ادام ساۋداسىنا قارسى كۇرەس تۋرالى» زاڭ جوباسىن ازىرلەپ جاتىر.
زاڭ دەڭگەيىندە العاش رەت ىشكى ىستەر مينيسترلىگى مەن ەڭبەك مينيسترلىگى ادام ساۋداسىمەن كۇرەسەتىن ۋاكىلەتتى ورگان بولىپ بەكىتىلۋى مۇمكىن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سونىڭ نەگىزىندە ۋاكىلەتتى ورگانداردىڭ فۋنكسيالارى ناقتى بەكىتىلەدى. قالعان 12 مەملەكەتتىك ورگان مەن اكىمدىكتەردىڭ، ۇكىمەتتىك ەمەس ۇيىمداردىڭ فۋنكسياسى دا ناقتىلانادى»، - دەدى ىشكى ىستەر ءمينيسترى مارات احمەتجانوۆ استانادا ءوتىپ جاتقان قۇقىقتىق فورۋمدا.
ونىڭ مالىمەتى بويىنشا، ادام ساۋداسىنا قارسى ءىس-قيمىل جونىندەگى كوميسسيالاردىڭ قۇقىقتىق مارتەبەسى ارتپاق.
«ادام ساۋداسىنا قارسى ءىس-قيمىل جونىندەگى ۆەدومستۆوارالىق جانە وڭىرلىك كوميسسيالاردىڭ قۇقىقتىق مارتەبەسى بەكىتىلەدى. ولارعا وسى سالاداعى قوعامدىق قاتىناستارعا قۇقىقتىق ىقپال ەتۋ قۇزىرەتى بەرىلەدى. ولاردىڭ ۇكىمەت دەڭگەيىندە ۇسىنىستارى ەسكەرىلەدى. بۇل ناقتى مەرزىمدەر، ورىنداۋشىلار جانە جاۋاپكەرشىلىك دەگەن ءسوز»، - دەدى ۆەدومستۆو باسشىسى.