«كوك» ستاتۋسى بار قازاقستاندىقتار ءۇشىن كەيبىر شەكتەۋلەر الىندى

قىزمەتتىڭ بارلىق ءتۇرى ءۇشىن «سارى» ايماقتاعى شەكتەۋلەر الىندى

باس مەملەكەتتىك سانيتاريا دارىگەر ايجان ەسماعامبەتوۆا بىردەن ەكى قاۋلىعا قول قويدى، وندا «كوك» ستاتۋسى بار قازاقستاندىقتار ءۇشىن كەيبىر شەكتەۋلەر الىندى، دەپ حابارلايدى Almaty-akshamy.kz.

19 اقپاننان باستاپ كەلەسى شەكتەۋلەر كۇشىنە ەنەدى: 
1. بەيتاراپ «كوك» مارتەبەسى بار كەلۋشىلەر ءۇشىن «قىزىل» ايماقتاعى كوپ ادام جينالاتىن ورىندارعا - سوو، ساۋدا ۇيلەرى مەن ساۋدا جەلىلەرىنە، كورمەلەرگە، كاراوكە، تۇنگى كلۋبتارعا، سپورت كەشەندەرىنە، باسسەيندەرگە، سپورتتىق ءىس-شارالار مەن مارافوندارعا، ساۋىقتىرۋ جانە ءدىني وبەكتىلەرگە، ويىن كلۋبتارىنا، كازينولارعا بارعان كەزدە، سونداي-اق ءۇي-جايلاردى 70 پايىزعا دەيىن تولتىرعان كەزدە سالتاناتتى، ەستەلىك، ويىن-ساۋىق جانە وزگە دە ءىس-شارالارعا شەكتەۋلەر الىندى.

2. قىزمەتتىڭ بارلىق ءتۇرى ءۇشىن «سارى» ايماقتاعى شەكتەۋلەر الىندى. 

3. اۋرۋ بەلگىلەرى بولماعان جاعدايدا بايلانىستا بولعان ادامداردى ءۇي كارانتينىنە وقشاۋلاۋ جويىلدى. 

4. Pfizer ۆاكسيناسىن قولدانۋ ارقىلى ۆاكسيناسيالاۋعا جاتاتىن ادامداردىڭ ءتىزىمى كەڭەيتىلدى: ءبىرىنشى، ەكىنشى جانە ءۇشىنشى توپتاعى مۇگەدەكتىگى بار ادامدار جانە ۆاكسينانىڭ ءبىرىنشى دوزاسىن شەتەلدە العان ادامدار باستاپقى كۋرستى اياقتاي الادى. 

5. Pfizer ۆاكسيناسىن قولدانىپ، قايتا ۆاكسيناسيالاۋعا جاتاتىن ادامداردىڭ ءتىزىمى كەڭەيتىلدى: ءبىرىنشى، ەكىنشى جانە ءۇشىنشى توپتاعى مۇگەدەكتەر جانە 50 جاستان اسقان ادامدار.