قازاقستاندا ادام ساۋداسىنا قارسى ءىس-قيمىل ماسەلەلەرى جونىندەگى فورۋم ءوتتى.
حالىقارالىق ەڭبەك ۇيىمىنىڭ مالىمەتى بويىنشا، جىل سايىن الەمدە 2،45 ميلليونعا دەيىن ادام ساۋداسىنىڭ قۇربانىنا اينالادى، دەپ حابارلايدى Almaty-akshamy.kz
ادام ساۋداسىنان تۇسەتىن زاڭسىز پايدا جىلىنا 33 ميلليارد دوللار. ەسىرتكى مەن قارۋ ءبىرىنشى ورىندا بولسا، ادام ساۋداسى ءۇشىنشى ورىنداعى ەڭ تابىستى قىلمىستىق ءىس ارەكەت بولىپ انىقتالعان.
«قازىرگى ۋاقىتتا ادام ساۋداسى وكىنىشكە قاراي الەمدەگى كوپتەگەن ەلدىڭ ەڭ وزەكتى ماسەلەسى بولىپ تۇر. ءبىزدىڭ ەلىمىز دە بۇل قىلمىستىق فاكتىلەر تىركەلگەن. ادام ساۋداسىنا قاتىستى ەلىمىزدە شامامەن 100-دەن اسا قىلمىستىق ءىس انىقتالادى. سوڭعى 4 ايدا 65 قىلمىس بەلىلى بولدى» ،-دەيدى ق ر ءىىم مارات احمەتجانوۆ.
تىركەلگەن قىلمىستاردىڭ ىشىندە قاناۋ ماقساتىندا زاڭسىز باس بوستاندىعىنان ايىرۋ، ادام ساۋداسىنىڭ 16 فاكتىسى، كامەلەتكە تولماعاندار – 12، جەزوكشەلىكپەن اينالىسۋعا تارتۋ – 11، ونىڭ ىشىندە 3 كامەلەتكە تولماعاندار انىقتالعان.
«بۇل تەك زارداپتارمەن كۇرەسۋ. ۇەۇ-نىڭ مالىمەتىنشە، سەكسۋالدىق جانە ەڭبەك قاناۋ قۇرباندارىنىڭ سانى بىرنەشە ەسە كوپ. قازاقستان ادام قۇقىقتارى جونىندەگى 60-تان اسا كەلىسىمنىڭ شارتتى تولىق قاتىسۋشىسى. سونىمەن قاتار، وسى سالاداعى ماسەلەلەر زاڭدارمەن، مەملەكەتتىك ورگانداردىڭ بۇيرىقتارىمەن رەتتەلەدى»،- دەدى احمەتجانوۆ.
وسى ورايدا ىشكى ىستەر مينيسترلىگى «ادام ساۋداسىنا قارسى كۇرەس تۋرالى» زاڭ جوباسىن ازىرلەدى. جوبا 6 تاراۋدان تۇرادى:
جاڭا تۇجىرىمدامالىق اپپاراتتى ەنگىزۋ؛
ۋاكىلەتتى مەملەكەتتىك ورگانداردى قۇرۋ؛
حالىقارالىق ىنتىماقتاستىق نەگىزدەرى؛
ۇەۇ ءرولىن انىقتاۋ؛
جابىرلەنۋشىلەردىڭ، سونىڭ ىشىندە كامەلەتكە تولماعانداردىڭ قۇقىقتارى مەن مىندەتتەرى؛
ادام ساۋداسىمەن كۇرەستە حالىقارالىق ءتاسىل – 4 PI (R) تۇجىرىمداماسى ەنگىزۋ.