مۇنداي دەرەكتەر «اشىق» نقا پورتالىندا جاريالاعان.
2030 جىلعا دەيىن انا مەن بالا دەنساۋلىعىن ساقتاۋ قىزمەتىن دامىتۋ تۇجىرىمداماسى ازىرلەندى، دەپ حابارلايدى Almaty-akshamy.kz.
«سوڭعى 5 جىلدا قازاقستان حالقىنىڭ سانى 8،8%-عا ۇلعايدى جانە، بىلتىرعى 1 قاڭتارداعى جاعداي بويىنشا، 19 122 423 ادامدى قۇرادى. ونىڭ 9 835 645ء-ى (51،4%) - ايەلدەر. بالا تۋا الاتىن جاستاعى ايەلدەر سانى – 4 417 460، ونىڭ ىشىندە جاسوسپىرىمدەر (15-17 جاس) 814 523 قۇرادى.
2000 جىلدان باستاپ الەمدە انا ءولىمى كورسەتكىشىنىڭ جىلدام تومەندەۋ قارقىنى بايقالدى، جىلىنا 5،5 %-عا، قازاقستاندا 6،2 %-عا. ەلىمىزدە سوڭعى 10 جىلدا انا ءولىمى سەرپىندى تۇردە 2،4 ەسەگە تومەندەدى (2009 جىلعى ءتىرى تۋعان 100 مىڭعا شاققاندا 36،8-دەن 2019 جىلى 13،7-گە دەيىن)»، - دەپ كورسەتىلگەن اتالعان سالاعا تالداۋ جاسالعان قۇجاتتا.
دەنساۋلىق ساقتاۋ مييسترلىگىنىڭ مالىمەتىنشە، كەيىنگى 10 جىل ىشىندە انا ءولىمىنىڭ تومەندەۋىنە وزىق تەحنولوگيالار، جاڭا كلينيكالىق حاتتامالاردى ەنگىزۋ جانە شۇعىل مەديسينالىق كومەك كورسەتۋ ساپاسىنىڭ جاقسارۋى وڭ ىقپال ەتتى.
«الايدا، 2020 جىلدان باستاپ انا ءولىمى كورسەتكىشىنىڭ ءوسۋى بايقالدى. بۇل COVID-19 پاندەمياسىمەن بايلانىستى. 2021 جىلدىڭ قورىتىندىسى بويىنشا، قازاقستاندا انا ءولىمى كورسەتكىشى 22%-عا ۇلعايدى. ونىڭ 70%-نا پنيەۆمونيا مەن كوروناۆيرۋس ينفەكسياسى سەبەپ بولدى»، - دەلىنگەن تۇجىرىمداما.
ەندى وسى 7 جىلدىق جوسپاردى ورىنداۋ اياسىندا 2030 جىلعا قاراي انا ءولىمىن 100 000 ءتىرى تۋعاندارعا شاققاندا 13،0-گە دەيىن جانە نارەستە ءولىمىن 1 000 ءتىرى تۋعاندارعا شاققاندا 7،1-گە دەيىن تومەندەتۋ كوزدەلگەن.