راحات Fest فەستيۆالى 20-21 مامىردا «ءبىرىنشى مامىر توعانى» ساياباعىنىڭ اۋماعىندا وتەدى.
بۇل – الماتى قالاسىنىڭ ماڭىندا ورنالاسقان، كولى، كوگالدارى، سامالجايلارى جانە ارنايى ايماقتارى بار ادەمى جەر.
فەستيۆالگە كۇن سايىن 4500-دەن 6500-گە دەيىن ادام كەلەدى دەپ كۇتىلۋدە، دەپ حابارلايدى Almaty-akshamy.kz.
قوناقتارعا 30 مەيرامحانا اس ازىرلەيدى، ولار ءتۇرلى جەڭىل تاماقتار، سالاتتار مەن ىستىق تاعامدار ۇسىنادى. بۇلار – كەز كەلگەن تالعامعا جاپوندىق رولل، مەكسيكالىق بۋريتو، ستەيك، جىلقى ەتى قوسىلعان ءراموننىڭ قازاقشا نۇسقاسى جانە تاعى باسقالار. بالمۇزداق پەن تاتتىلەر ءتۇرجيناعى.
ساياباق اۋماعىندا سۋسىنداردىڭ سان ءتۇرىن ۇسىناتىن 15 بار جۇمىس ىستەيدى. سونداي-اق قوناقتار ءۇشىن تەگىن welcome-drink بولادى.
فەستيۆالدە 10 حەدلاينەر ونەر كورسەتەدى. 20 مامىردا – باند'ەروس @banderosmusic، Limba @thelimba، Hiro @h1rosima، ايقىن @aikyn. 21 مامىردا – پيسسا @sergpizza، Ninety One @ninetyone، قايرات نۇرتاس @kair_n، 101 توبى @juzbir_101.
فەستيۆالدى ۇيىمداستىرۋشىلار ءساندى فوتوايماقتار، انالارعا ارنالعان wellness&beauty corner، اكەلەرگە ارنالعان 21+ ارنايى ايماقتار، بالالارعا ارنالعان جايلى بالالار ايماقتارىن ازىرلەدى. وتىراتىن ورىندار بارىنشا كوپ بولىپ، بۇكىل وتباسىنا ارنالعان ۆيپ-سامالجايلار ۇيىمداستىرىلادى.
فەستيۆال باعدارلاماسىندا باعالى جۇلدەلەر ۇتىستارى بولادى.
10 جاسقا دەيىنگى بالالارعا اتا-انالارىمەن كىرۋ تەگىن. اتا-اناسى ىلەسىپ جۇرمەيتىن جاس: 18+.
ساياباقتى كاسىبي كۇزەت قىزمەتى قورعايدى. اۋماقتا بيودارەتحانالار ورناتىلادى، ءىس-شارا كۇندەرى شومىلۋعا قاتاڭ تىيىم سالىنادى.
«راحات Fest – بىردەن مىناداي بىرنەشە قارىمدى ءىس-شارانى بىرىكتىرەتىن العاشقى فەستيۆال: قۋاتتى line-up بار مۋزىكالىق كونسەرت، وندا 10 حەدلاينەر ونەر كورسەتەدى، ناعىز اۋقىمدى تاماق پەن سۋسىن فەستيۆالى جانە دەمالۋعا ارنالعان ىڭعايلى ايماقتارى، ءساندى فوتوايماقتارى، باعالى جۇلدەلەر ۇتىستارى بولاتىن جانە بەلسەندى شارالار وتەتىن بۇكىل وتباسىنا ارنالعان مەرەكە. ءبىز قالامىزدىڭ ەڭ ءستيلدى، تالانتتى ءارى سەزىمتال تۇرعىندارىن ءبىر الاڭعا جيناپ، كوكتەمدى بىرگە شىعارىپ سالىپ، جازعا دايىندالعىمىز كەلەدى!» - دەيدى Sadu Media Group جەتەكشىسى، كوپ جىلدىق تاجىريبەسى بار يۆەنتەر پولينا احمەتوۆا، فەستيۆالدى ۇيىمداستىرۋشى.
راحات Fest-كە اباي داڭعىلى مەن ساتبايەۆ كوشەسى اراسىنداعى، بايتۇرسىنوۆ كوشەسى بويىنداعى كولىك تۇراعىنان شىعۋعا بولادى.
ءبىرىنشى مامىر توعاندارىنان قايتادان قالاعا تاسىمال كولىگى فەستيۆالدىڭ باستى كولىك تۇراعىنا كىرەبەرىستە كۇتەدى.
بيلەتتەر https://kino.kz/ سايتىندا