ادام قۇقىقتارى جونىندەگى ۋاكىل ا. لاستايەۆ بالا قۇقىقتارى جونىندەگى ومبۋدسمان ا. ساينمەن كەزدەستى
ومبۋدسماندار ارتۋر لاستايەۆ جانە ارۋجان ساين ادام مەن بالالاردىڭ قۇقىقتارىن، بوستاندىقتارى مەن زاڭدى مۇددەلەرىن قورعاۋ ماقساتىندا ىنتىماقتاستىق تۋرالى بىرلەسكەن مەموراندۋمعا قول قويدى، - دەپ حابارلايدى almaty-akshamy.kz
مەموراندۋم شەڭبەرىندە تاراپتار ازاماتتاردى بىرلەسكەن قابىلداۋلار، قۇقىقتىق ءتۇسىندىرۋ جۇمىستارىن جۇرگىزىپ، ونىڭ ىشىندە مەكەمەلەر مەن ۇيىمدارعا بىرلەسكەن ساپارلاردى ۇيىمداستىرۋ كەزىندە تاجىريبە جانە اقپارات الماسادى.
«ادام قۇقىقتارىن، ونىڭ ىشىندە بالالاردى قورعاۋ، ولارعا قاتىستى زورلىق-زومبىلىقتى جويۋ ادام قۇقىقتارى جونىندەگى ۋاكىل مەن بالا قۇقىقتارى جونىندەگى ۋاكىلدىڭ باسىم مىندەتتەرىنىڭ ءبىرى بولىپ تابىلادى. مەملەكەتتىڭ، ۇكىمەتتىك ەمەس سەكتوردىڭ جانە قوعامنىڭ بىرلەسكەن كۇش - جىگەرى بىزگە وسى ماڭىزدى باعىتتا قاجەتتى ناتيجەلەرگە قول جەتكىزۋگە كومەكتەسەتىنىنە سەنىمدىمىن»، - دەدى لاستايەۆ.
كەزدەسۋ بارىسىندا تاراپتار قازاقستاندا بالالاردىڭ قۇقىقتارىن قورعاۋ مەن ىلگەرىلەتۋدى قامتاماسىز ەتۋدە كۇش-جىگەردى بىرىكتىرۋ قاجەتتىلىگى تۋرالى تۇسىنىككە قول جەتكىزدى.
كەزدەسۋ قورىتىندىسى بويىنشا تاراپتار بالالاردىڭ دەنساۋلىعى مەن الەۋمەتتىك قورعالۋىنىڭ، زورلىق-زومبىلىققا قارسى ءىس-قيمىلدىڭ وزەكتى ماسەلەلەرى بويىنشا ىنتىماقتاستىقتى جالعاستىرۋعا نيەت ءبىلدىرىپ، سونداي-اق الداعى بىرلەسكەن جۇمىس جوسپارلارىن بەلگىلەدى.