قازاقستان ومبۋدسمانى ارتۋر لاستايەۆ الماتى قالاسىنىڭ قۇقىق قورعاۋ ورگاندارىنىڭ باسشىلىعىمەن كەزدەسۋ وتكىزدى، - دەپ حاباراليدى almaty-akshamy.kz
ادام قۇقىقتارى جونىندەگى ومبۋدسمان ارتۋر لاستايەۆ الماتىعا جۇمىس ساپارى اياسىندا ءوزىنىڭ اۋماقتىق وكىلى ق. مالدىبايەۆپەن بىرگە قالانىڭ قۇقىق قورعاۋ ورگاندارىنىڭ باسشىلارىمەن كەزدەسۋ وتكىزدى.
ءىس-شارا بارىسىندا ومبۋدسمان سوڭعى كونستيتۋسيالىق رەفورمالار تۋرالى ايتىپ، سونداي-اق جەرگىلىكتى دەڭگەيدە بۇزىلعان ادام قۇقىقتارىن جەدەل قالپىنا كەلتىرۋدى قامتاماسىز ەتۋ ءۇشىن ەلدىڭ ءار ايماعىندا ۇسىنىلعان ادام قۇقىقتارى جونىندەگى وكىلدەردىڭ ءرولىن اتاپ ءوتتى.
«ومبۋدسماننىڭ الماتى وكىلدىگىنە وتىنىشتەردى ءوز بەتىنشە قاراۋ جونىندەگى وكىلەتتىكتەردى بەرگەن ساتتەن باستاپ اعىمداعى جىلدىڭ باسىنان باستاپ سوت اكتىلەرىمەن، قىلمىستىق قۋدالاۋ ورگاندارى قىزمەتكەرلەرىنىڭ ارەكەتتەرىمەن جانە ت.ب. كەلىسپەۋشىلىكتەردى قوسا العاندا، ءبىرقاتار ماسەلەلەر بويىنشا 144 ءوتىنىش كەلىپ ءتۇستى»، - دەپ اتاپ ءوتتى لاستايەۆ.
ومبۋدسمان ءوز سوزىندە ازاپتاۋعا قاتىستى ماسەلەلەردىڭ وزەكتى بولىپ قالۋىن اتاپ ءوتتى.
بۇگىنگى تاڭدا ازاپتاۋعا قارسى كۇرەس سالاسىندا كوپ نارسە جاسالدى. اتاپ ايتقاندا، مەملەكەت باسشىسى ازاپتاۋدىڭ الدىن الۋعا جانە سوتتالعانداردىڭ قۇقىقتارىن كەڭەيتۋگە باعىتتالعان زاڭعا قول قويدى.
«زاڭ قازاقستاننىڭ ازاپتاۋلار مەن قاتىگەزدىكتىڭ باسقا دا نىساندارىن جويۋ، سوتتالعانداردىڭ قۇقىقتارىن كەڭەيتۋ جانە تۇرمەلەردەگى تەرىس سۋبمادەنيەتىنىڭ قالىپتاسۋىنىڭ الدىن الۋ جونىندەگى دايەكتى قادامدارىنىڭ جالعاسى بولدى»، – دەپ اتاپ ءوتتى لاستايەۆ.
سونداي-اق، ۋاكىل اعىمداعى جىلدىڭ 13 ساۋىرىندە باس پروكۋرورمەن ءوزارا ىنتىماقتاستىق تۋرالى مەموراندۋمعا قول قويعانىن، ونىڭ شەڭبەرىندە قىلمىستىق قۋدالاۋ ورگاندارى مەن پەنيتەنسيارلىق مەكەمەلەردىڭ عيماراتتارىنا بىرلەسكەن ساپارلار جۇرگىزۋ، ءوتىنىش بەرۋشىلەرگە بىرلەسكەن قابىلداۋلاردى ۇيىمداستىرۋ، سونداي-اق ءتۇسىندىرۋ جۇمىستارىن جۇرگىزۋ جوسپارلانعانىن اتاپ ءوتتى.
«ومبۋدسمان كەڭسەسى اتقارۋشى نەمەسە قۇقىق قورعاۋ ورگاندارىنىڭ قۇزىرەتىن الماستىرۋعا ەمەس، ادام قۇقىقتارىن قالپىنا كەلتىرۋدە قوسىمشا رەسۋرس رەتىندە قىزمەت ەتۋگە ارنالعان»، - دەدى لاستايەۆ.
ءىس-شارا سوڭىندا ادام قۇقىقتارى جونىندەگى ۋاكىل پروكۋراتۋرا، پد جانە الماتى ق. بويىنشا قاجد وكىلدەرىمەن بىرلەسىپ وڭىردەگى قۇقىق قورعاۋ كۇن ءتارتىبىن تالقىلاپ، ادام قۇقىقتارىن ىلگەرىلەتۋ مەن قورعاۋدىڭ ناتيجەلى ءوزارا ءىس-قيمىلى جونىندەگى جوسپارلاردى بەلگىلەدى