جەدەل جاردەم بريگاداسى 54 جاستاعى ايەلدى الماتى قالاسىنىڭ № 7 قالالىق كلينيكالىق اۋرۋحاناسىنا ينسۋلتقا كۇدىكپەن جاڭا جىلدىڭ العاشقى كۇندەرى جەتكىزدى. ايەلدىڭ سول اياق-قولداردىڭ السىزدىگى، سويلەۋ قىزمەتىنىڭ بۇزىلۋى، قان قىسىمىنىڭ كەنەتتەن كوتەرىلۋىنە شاعىمدارى بولدى.
پاسيەنتتى كەزەكشى نيەۆرولوگ دارىگەر، رەانيماتولوگ جانە قان تامىرلارى نەيروحيرۋرگى تەكسەرىپ-قاراۋ كەزىندە قان تامىرلارىنىڭ بۇزىلۋىنا كۇدىكتەندى. ءبىراق، باس ميىنا جاسالعان كت پاتولوگيالىق وزگەرىستەر كورسەتكەن جوق، ەكگ - ەلەۋلى اۋىتقۋلار انىقتالعان جوق، سوندا دا كلينيكالىق بەلگىلەردى ەسكەرە وتىرىپ، ودان ءارى ترومبوەكستراكسيالاۋ ارقىلى ميعا سۇرىپتامالىق انگيوگرافيا جاساۋعا شەشىم قابىلدايدى.
مي –تامىرلىق اۋرۋى دياگنوزى قويىلدى. وڭ ورتا مي ارتەرياسى باسسەينىندەگى يشەميالىق ينسۋلت، (اتەروترومبوتيكالىق كىشى ءتۇرى) بويىنشا مي قان اينالىمىنىڭ ءجىتى بۇزىلۋى. ءساتتى ترومبەكستراكسيادان كەيىن، پاسيەنت ترومبوزدىڭ الدىن الۋ، قان قىسىمىن تۇراقتاندىرۋ جانە گەموديناميكا ءۇشىن ءجىتى باقىلاۋ جانە قارقىندى تەراپيا ءۇشىن رەانيماسيا بولىمشەسىنە اۋىستىرىلدى. دۇرىس جاسالعان دياگنوستيكا مەن ءساتتى جۇرگىزىلگەن ەمنىڭ ناتيجەسىندە نيەۆرولوگيالىق سيمپتوماتيكا باسەڭدەدى.
ۋاقىتىلى دياگنوستيكا مەن ەمدەۋدىڭ، انگيوگرافيا، ترومبەكستراكسيا سياقتى زاماناۋي تەكسەرۋ ادىستەرىن قولدانۋدىڭ ارقاسىندا دارىگەرلەر پاسيەنتتىڭ دەنساۋلىعىنا جانە ومىرىنە ءقاۋىپ توندىرەتىن جاعدايلاردىڭ الدىن الۋعا قول جەتكىزدى. كەلەسى كۇنى پاسيەنتتىڭ جۇيكە جۇيەسىنىڭ قىزمەتى قالپىنا كەلىپ، جاي-كۇيى ايتارلىقتاي جاقسارعانى بايقالدى.
«بۇل كلينيكالىق جاعداي مي قان اينالىمىنىڭ وتكىنشى بۇزىلۋلارى كەزىندە جەدەل دياگنوستيكا مەن تەراپيانىڭ وتە ماڭىزدىلىعىن كورسەتەدى. ودان ءارى ەمدەۋ كورسەتكىشتەرى بۇلشىق ەت كۇشىنىڭ 5 بالعا دەيىن تولىق قالپىنا كەلىپ، وڭ وزگەرىس بايقالدى. سويلەۋ قىزمەتى تولىق قالپىنا كەلدى. قان اينالىمى تۇراقتاندى. ودان ءارى اۋرۋدىڭ الدىن الۋ ءۇشىن گيپوتەنزيۆتى تەراپيا تاڭدالدى»،- دەدى № 2 ينسۋلت بولىمشەسىنىڭ نيەۆرولوگ-ينسۋلتولوگ دارىگەر اقجول اريپحان.
پاسيەنت مەكەنجايى بويىنشا امبۋلاتوريالىق ەمدەۋگە جىبەرىلدى، نيەۆرولوگيالىق اۋرۋلاردىڭ بەلگىلەرى تولىعىمەن قايتتى.
پاسيەنت «جەتىنشى» اۋرۋحانانىڭ دارىگەرلەرىنە جوعارى دەڭگەيدە مەديسينالىق كومەك كورسەتكەنى ءۇشىن العىسىن ءبىلدىردى: «ءبىزدىڭ قازاقستاندىق مەديسينا زامانمەن قاتار دامىپ كەلە جاتقانى قۋانتادى جانە اۋرۋحانالاردا مەديسينالىق كومەك كورسەتۋ ءۇشىن كلينيكادا قاجەتتى زاماناۋي مەديسينالىق جابدىقتار بار، ارينە، بۇل ءوز ءىسىنىڭ شەبەرلەرى بىلىكتى دارىگەرلەر مەن مەيىربيكەلەردىڭ جانە ىسىنە ادال سانيتارلاردىڭ ەڭبەگىنىڭ ناتيجەسى».
ينسۋلتولوگ-دارىگەر السىزدىك، بەتتىڭ اسسيمەترياسىنىڭ بۇزىلۋى، تۇسىنىكسىز سويلەۋ نەمەسە قان قىسىمىنىڭ كەنەتتەن كوتەرىلۋى سياقتى نيەۆرولوگيالىق بۇزىلۋلاردىڭ العاشقى بەلگىلەرى پايدا بولعان كەزندە دەرەۋ مەديسينالىق كومەككە جۇگىنۋ قاجەتتىگىن اتاپ ءوتتى.