Zakon.kz مالىمەتىنە سايكەس، جۋرناليست پولينا شيمانسكايانىڭ ايتۋىنشا، ارمەنيا مەن ازەربايجان اراسىنداعى قاقتىعىس سالدارىنان ەۋروپادان كەلەتىن ۇشاقتار جارتى جولدا كەرى قايتارىلىپ جاتىر.
«بۇل ەلدەردىڭ ۇستىنەن رەيس جابىلدى. ونىڭ جولاۋىشلارى اراسىندا مەن جانە جۇزدەگەن قازاقستاندىق بار. فرانكفۋرت اۋەجايىندا تولىق حاوس باستالدى. ۇشۋ جونىندە ەشتەڭە بەلگىسىز، ءبىز ەو ايماعىنا كىرە المايمىز»، – دەپ جازدى ول Facebook پاراقشاسىندا.
تۇسىنىكتەمە الۋ ءۇشىن Zakon.kz رەداكسياسى ق ر سىرتقى ىستەر مينيسترلىگىنىڭ باسپا ءسوز قىزمەتىنە جۇگىندى، ولار سول اۋە كومپانياسىنا حابارلاسۋعا كەڭەس بەردى.
2023 جىلعى 19 قىركۇيەكتە ازەربايجان تاۋلى قاراباقتا «تەرروريزمگە قارسى وپەراسيا» باستالعانىن جاريالادى. ارميان اقپارات كوزدەرى ايماقتا اتىس بوپ جاتقانىن مالىمدەدى.
ەسكە سالساق، ۇجىمدىق قاۋىپسىزدىك شارتى ۇيىمى 1992 جىلى 15 مامىردا تاشكەنت قالاسىندا قۇرىلعان. ءقازىر ۇقشۇ-عا مۇشە مەملەكەتتەر: ارمەنيا، بەلارۋس، قازاقستان، قىرعىزستان، رەسەي جانە تاجىكستان.
2022 جىلعى 23 قاراشادا ەريەۆاندا ۇقشۇ ۇجىمدىق قاۋىپسىزدىك كەڭەسىنىڭ قاتىسۋشىلارى يمانعالي تاسماعامبەتوۆتى ۇيىمنىڭ باس حاتشىسى ەتىپ تاعايىنداۋ تۋرالى شەشىم قابىلدادى.