مەملەكەت باسشىسى قاسىم-جومارت توقايەۆ قازاقستان حالقى اسسامبلەياسىنىڭ (قحا) ءحححىV سەسسياسىندا سويلەگەن سوزىندە ۇيىمنىڭ ەل ىشىندەگى تۇراقتىلىق پەن كەلىسىمدى نىعايتۋداعى تاريحي ءرولىن ەرەكشە اتاپ ءوتتى. بۇل تۋرالى Aqshamnews.kz سايتى حابارلايدى.
پرەزيدەنت ءوز ءسوزىن قازاقستان حالقى اسسامبلەياسىنىڭ 30 جىلدىعىمەن قۇتتىقتاۋدان باستادى. "بۇگىنگى باسقوسۋدىڭ تاريحي ءمان-ماڭىزى ايرىقشا. بيىل قازاقستان حالقى اسسامبلەياسىنىڭ قۇرىلعانىنا 30 جىل تولىپ وتىر. بارشاڭىزعا قۇتتى بولسىن!" – دەدى مەملەكەت باسشىسى.
توقايەۆ اسسامبلەيانىڭ ءۇش ونجىلدىقتاعى ەڭبەگى ەلدەگى بەيبىتشىلىك پەن قوعامدىق كەلىسىمنىڭ ىرگەتاسىن قالاپ، تۇراقتى دامۋ جولىندا ماڭىزدى ءرول اتقارعانىن ايتتى. ونىڭ پىكىرىنشە، قحا – ەتنوسارالىق كەلىسىمنىڭ بىرەگەي ۇلگىسى رەتىندە الەمدە تەڭدەسى جوق قۇرىلىم.
پرەزيدەنت اسسامبلەيانىڭ ەلىمىزدەگى ءتۇرلى ەتنوستار اراسىنداعى ءوزارا قۇرمەت پەن تۇسىنىستىكتى نىعايتۋعا قوسقان ۇلەسىنە جوعارى باعا بەردى.
"اسسامبلەيا قوعامداعى تۇراقتىلىق پەن كەلىسىمدى نىعايتۋعا ولشەۋسىز ۇلەس قوستى. ەلىمىزدەگى بىرلىك پەن تەڭدىكتىڭ، تۇراقتىلىق پەن تىنىشتىقتىڭ سيمۆولىنا اينالدى"، – دەدى توقايەۆ.
سونداي-اق قحا-نىڭ ەتنوسارالىق قاتىناستار سالاسىندا قوعامدىق ينستيتۋت رەتىندە ماڭىزى ارتقانىن، ونىڭ ارقاسىندا قازاقستاندا بەيبىت ءومىر ءسۇرۋدىڭ ۇلگىسى قالىپتاسقانىن اتاپ ءوتتى.
مەملەكەت باسشىسى اسسامبلەيانىڭ قوعامدىق ۇيىمدارمەن جانە مەملەكەتتىك ينستيتۋتتارمەن تىعىز بايلانىستا جۇمىس ىستەيتىنىن، سونداي-اق ىشكى ساياساتتىڭ جۇزەگە اسۋىنا بەلسەندى تۇردە اتسالىسىپ جاتقانىن ايتتى.
"اسسامبلەيا مەملەكەت پەن قوعام اراسىندا سىندارلى ءارى جەمىستى ديالوگ ورناتۋعا ىقپال ەتۋدە"، – دەپ ناقتىلادى ول. قحا-نىڭ 12 مۇشەسى قازىرگى ۋاقىتتا ۇلتتىق قۇرىلتاي قۇرامىندا ەڭبەك ەتىپ، ەلدىك ماڭىزى بار باستامالارعا اتسالىسىپ جاتقانىن دا اتاپ ءوتتى.