رەجيسسەر ەلزات ەسكەندىردىڭ «ءابىل» ءفيلمى شۆەسيادا وتەتىن سكانديناۆيا ءوڭىرىنىڭ باس كينوفەستيۆالىنە شاقىرتۋ الدى، دەپ حابارلايدى aqshamnews.kz
فيلم 24 قاڭتار مەن 2 اقپان ارالىعىندا وتەتىن سكانديناۆيا وڭىرىندەگى 48-حالىقارالىق گوتەبورگ كينوفەستيۆالىندە ۇسىنىلادى. سونىمەن قاتار فيلم 11-18 اقپان ارالىعىندا فرانسيادا وتەتىن ۆەزۋل ازيا كينوسىنىڭ حالىقارالىق كينوفەستيۆالىنە قاتىسپاق.
«ءفيلمنىڭ گوتەبورگتەگى كورسەتىلىمى – تۋىندىنىڭ ەۆروپالىق پرەمەراسى، ال ۆەزۋلدەگى كورسەتىلىمى – فرانسيالىق پرەمەراسى رەتىندە قاراستىرىلۋدا»، – دەيدى رەجيسسەر.
اتالعان كينوكارتينانى مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن شاكەن ايمانوۆ اتىنداعى «قازاقفيلم» كينوستۋدياسى تۇسىرگەن.
فيلم ەسەڭگىرەپ قالعان تۇرعىندارمەن ديالوگ قۇرۋ ارقىلى ديسكريميناسيا، جەمقورلىق پەن كاپيتاليزم تاقىرىپتارىن تالدايدى. كارتينا تاعدىرى اۋقىمدى تاريحي وقيعالارمەن استاسقان ادامداردىڭ حيكاياسىنا نەگىزدەلگەن. ءفيلمنىڭ ءوندىرىسى حالىقارالىق مامانداردىڭ باسىن قوسقانىن دا ايتۋ كەرەك.