ق ر عىلىم جانە جوعارى ءبىلىم مينيسترلىگى ۇزدىك عىلىمي زەرتتەۋلەردى انىقتاۋعا جانە مەملەكەتتىك عىلىمي ستيپەنديالاردى تاعايىنداۋعا باعىتتالعان 2023 جىلعى كونكۋرستىڭ قورىتىندىسىن شىعاردى.
اباي ۋنيۆەرسيتەتىنىڭ ن.كەلىمبەتوۆ اتىنداعى تۇركىتانۋ ورتالىعى دايىنداعان «مۇقاعالي ءتىلى سوزدىگى» مونوگرافياسىنىڭ اۆتورلارى –گۋمانيتارلىق عىلىمدار سالاسىنداعى ۇزدىك عىلىمي زەرتتەۋلەر ءۇشىن ش.ءۋاليحانوۆ اتىنداعى اتاۋلى سىيلىققا يە بولدى، دەپ حابارلايدى Almaty-akshamy.kz.
بۇل ماڭىزدى ەڭبەكتىڭ اۆتورلارى – شەرۋباي قۇرمانباي ۇلى، جانسەيىت تۇيمەبايەۆ، بايىنقول قالييەۆ جانە ءسابيرا يساكوۆا. تۇركىتانۋ ورتالىعىنىڭ جەتەكشىسى – ق ر ۇلتتىق عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، پروفەسسور شەرۋباي قۇرمانباي ۇلى. بيىلعى جىلى اباي ۋنيۆەرسيتەتى عىلىم مەن ءبىلىم سالاسىنداعى ەرەكشە جەتىستىكتەرى ءۇشىن وسىمەن ەكىنشى مارتە ش.ءۋاليحانوۆ اتىنداعى اتاۋلى عىلىمي سىيلىققا يە بولىپ وتىر.
مەملەكەتتىك عىلىمي ستيپەنديا اباي ۋنيۆەرسيتەتىنىڭ ءۇش عالىمىنا – فيزيكا-ماتەماتيكا عىلىمدارىنىڭ دوكتورى، پروفەسسور ابدۋماۋۆلەن بەردىشيەۆكە، PhD دوكتورلارى جاراسبەك بايشەميروۆ پەن اينۇر سەيىلحانعا بەرىلدى.
بۇل جەتىستىكتەر عالىمداردىڭ عىلىمي-زەرتتەۋ جۇمىستارىنىڭ جوعارى دەڭگەيىن كورسەتەدى جانە بۇكىل عىلىمي قوعامداستىققا ءبىلىم مەن يننوۆاسيانىڭ جاڭا كوكجيەكتەرىنە ۇمتىلۋعا ىنتالاندىرادى. لايىقتى ماراپاتتار عالىمداردىڭ جەكە جەتىستىكتەرىن عانا ەمەس، سونىمەن قاتار جاڭا كاسىبي بيىكتەرگە جەتۋگە جانە ۋنيۆەرسيتەت پەن ەلدىڭ دامۋىنا باعىتتالعان جالپى عىلىمي الەۋەتتىڭ دەڭگەيىن كوتەرەدى.