تەرگەۋ ءجۇرىپ جاتقان باپ بويىنشا بەس جىلدان ون جىلعا دەيىن باس بوستاندىعىنان ايىرۋ جازاسى كوزدەلگەن.
سەمەي ورمانىنداعى ءورت بويىنشا قىلمىستىق ءىس قوزعالدى، دەپ حابارلايدى Almaty-akshamy.kz
بۇل تۋرالى Jibek Joly تەلەارناسىنىڭ ارنايى شىعارىلىمىنىڭ ەفيرىندە ايتىلدى.
ەكولوگيا جانە تابيعي رەسۋرستار مينيسترلىگىنەن ءمالىم ەتكەندەي، ورتكە قاتىستى تەرگەۋ قىلمىستىڭ كودەكستىڭ «ابايسىزدا ەكى جانە ودان دا كوپ ادامنىڭ ولىمىنە اكەپ سوققان ءورت قاۋىپسىزدىگى تالاپتارىن بۇزۋ» بابى بويىنشا جۇرگىزىلەدى.
«مەنىڭ ويىمشا، بۇل ىستە جاۋاپتى ادامداردىڭ سانى جەتكىلىكتى. ولار توتەنشە جاعدايلار مينيسترلىگىنىڭ جانە ورمان شارۋاشىلىعى كوميتەتىنىڭ قىزمەتكەرلەرى بولۋى مۇمكىن. سونىمەن قاتار اتالعان ايماقتاعى جالپى توتەنشە جاعداي جانە ورمان شارۋاشىلىعىنا جاۋاپتى تۇلعالار دا تەرگەۋ اياسىندا جاۋاپقا تارتىلۋى ىقتيمال»، - دەدى Jibek Joly تەلەارناسىنا سۇحبات بەرگەن زاڭگەر سەرىك بەركامالوۆ.