ءورتتىڭ اۋقىمى بويىنشا قاتە بولجام جاسالعان

بۇل مينيسترلىك پەن باسقا دا ءتيىستى ورگانداردىڭ قاتەسى.

بۇگىن اباي وبلىسىنا جۇمىس ساپارىمەن بارىپ، مارقۇمداردىڭ وتباسىمەن كەزدەسكەن مەملەكەت باسشىسى وسىلاي دەدى، دەپ حابارلايدى Almaty-akshamy.kz

«شۇعىل شارالار قابىلداپ، ءورتتى سول جەردە ءوشىرۋى، كەم دەگەندە وقشاۋلاۋى كەرەك ەدى. ونى ىستەمەگەن. جاعدايعا سالعىرت قارادى، بىلىكتىلىك تانىتپادى. بارلىعى جازالانادى. زارداپ شەككەن بارلىق وتباسىعا جەكە جاردەماقى تاعايىندالادى. مەن سىزدەرگە ۋادە بەرەمىن. پرەزيدەنت جانىنان ارنايى قور قۇرىلادى. زارداپ شەككەندەرگە جەكە كومەك كورسەتەمىن. جان-جاقتى كومەك كورسەتىلەتىنىن ايتۋعا كەلدىم. قارجىلاي دا، باسقا دا كومەك كورسەتىلەدى.  بالالار بالاباقشاعا، جوو-عا ورنالاستىرىلادى – ءبارى ورىندالادى. مەن، ارينە، سىزدەرمەن بىرگەمىن. سىزدەر – ەلىمىزدىڭ ازاماتىسىزدار. مەن سىزدەر ءۇشىن جاۋاپتىمىن. مەن مەملەكەت باسشىسى رەتىندە بولعان جاعداي ءۇشىن كەشىرىم سۇرايمىن. وتە اۋىر جاعداي ەكەنىن تۇسىنەمىن. اسىراۋشىلارىڭىزدى، وتاعاسىن، ەڭ جاقىن تۋىستارىڭىزدى جوعالتتىڭىزدار. وكىنىشكە قاراي، ومىردە مۇنداي قايعىلى جايتتار بولادى.  مۇنى اقتايتىن ەشقانداي  سەبەپ جوق. تاعى دا ايتامىن.  مورالدىق جانە ماتەريالدىق كومەك كورسەتىلەدى»، دەدى قاسىم-جومارت توقايەۆ.