اباي وبلىسىنىڭ ماقانشى اۋدانىندا الاكول جاعالاۋىن شايىپ كەتۋ قاۋپىنە بايلانىستى توتەنشە جاعداي رەجيمى ەنگىزىلدى، دەپ حابارلايدى Aqshamnews.kz ءتىلشىسى.
اۋدان اكىمى داۋرەن قويگەلدين قول قويعان 8 قىركۇيەكتەگى اۋداندىق توتەنشە جاعدايلار كوميسسياسى وتىرىسىنىڭ حاتتاماسىنا سايكەس، 10 قىركۇيەكتەن باستاپ جەرگىلىكتى دەڭگەيدەگى توتەنشە جاعداي كۇشىنە ەنگەن. بۇل شەشىم قابانباي اۋىلدىق وكرۋگىندەگى الاكول جاعالاۋىن سۋ شايىپ كەتۋ قاۋپىنە بايلانىستى قابىلدانعان.
قۇجاتتا كورسەتىلگەندەي، ءوڭىردىڭ ءىنجۋ-مارجانى سانالاتىن الاكول جاعالاۋىندا دەمالىس ۇيلەرى مەن وزگە دە نىساندار ورنالاسقان. تابيعي اپات سالدارىنان شارۋاشىلىق قىزمەتكە كەلۋى مۇمكىن زالال ارنايى قۇقىقتىق رەجيم ەنگىزۋگە نەگىز بولعان.
توتەنشە جاعدايدى جويۋ جۇمىستارىن ۇيلەستىرۋ اۋدان اكىمىنىڭ ورىنباسارى ءاليا ساربايەۆاعا جۇكتەلدى. ايتا كەتەيىك، جۋىردا وبلىس اكىمى بەرىك ءۋاليدىڭ توراعالىعىمەن وتكەن جيىندا ءتۋريزمدى دامىتۋ ماسەلەلەرى قارالىپ، الاكول جاعالاۋىنىڭ باس جوسپارىن ازىرلەۋ تالقىلانعان ەدى.
باسقارما مالىمەتىنشە، بيىل جاعالاۋدى اباتتاندىرۋعا وبلىستىق بيۋدجەتتەن 658 ميلليون تەڭگە بولىنگەن. شەنەۋنىكتەردىڭ ايتۋىنشا، ارباتتا جوندەۋ جۇمىستارى جۇرگىزىلىپ، 25 كيىم اۋىستىراتىن كابينا، 50 كونتەينەر، 2 بيودارەتحانا، 3 زاماناۋي دارەتحانا ورناتىلعان. سونداي-اق 7 ءپيرستىڭ 3-ەۋى پايدالانۋعا بەرىلىپ، جاڭا قوعامدىق اۋماق قۇرىلىسى اياقتالعان.