ۇلىتاۋ وبلىسىندا پوليسيا قىزمەتكەرلەرى ءىرى كولەمدەگى ماريحۋانا تاركىلەدى، دەپ حابارلايدى Aqshamnews.kz ءتىلشىسى Polisia.kz سايتىنا سىلتەمە جاساپ.
وبلىستىق پد ەسىرتكى قىلمىسىنا قارسى ءىس-قيمىل باسقارماسى ارنايى بولىمشەلەرمەن بىرلەسىپ، “قاراسورا — 2025” جەدەل-پروفيلاكتيكالىق ءىس-شاراسى بارىسىندا جەزقازعان – قىزىلوردا تاس جولىندا Mercedes-190 اۆتوكولىگىن توقتاتقان.
تەكسەرۋ كەزىندە كولىكتىڭ جۇكسالعىشىنداعى گاز جابدىعىنىڭ استىنان سكوچپەن ورالعان ەكى سەللوفان قاپ تابىلعان. ونىڭ ىشىنەن ەرەكشە ءيىسى بار وسىمدىك تەكتەس زات شىققان. ساراپتاما قورىتىندىسى تاركىلەنگەن زاتتىڭ جالپى سالماعى 15 كەلى بولاتىن ماريحۋانا ەكەنىن راستادى.
تەرگەۋ دەرەكتەرىنە سۇيەنسەك، ەسىرتكى باسقا وڭىرلەردەن اكەلىنىپ، كەيىن ساتۋ ءۇشىن جوسپارلانعان. قارا نارىقتاعى مۇنداي پارتيانىڭ باعاسى شامامەن 3 ميلليون تەڭگە شاماسىندا.
ەسىرتكىنى ساقتاۋ جانە تاسىمالداۋ كۇدىگىمەن 43 جانە 27 جاستاعى ەكى ادام ۇستالىپ، ولارعا قاتىستى ق ر قىلمىستىق كودەكسى بويىنشا سوتقا دەيىنگى تەرگەۋ باستالدى.