الماتىدا دۇنيە جۇزىندەگى ءتۇرلى كينوفەستيۆالدەردە 50-گە جۋىق جۇلدەمەن ماراپاتتالعان «كۇنباعىس» («پودسولنۋح») ءفيلمىنىڭ تۇساۋكەسەرى ءوتتى، دەپ حابارلايدى Almaty-akshamy.kz
كينوتۋىندىنى ق ر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى «ستالكەر سينەما» كومپانياسىمەن بىرلەسىپ تۇسىرگەن.
«كۇنباعىس» — «ورتا جاس» داعدارىسىنا ۇشىراعان وتباسى تۋرالى دراماعا تولى حيكايا. ىشكى قايشىلىقتارىمەن اۋرە بولعان اتا-اناسىنىڭ قاراۋسىز قالعان ءجاسوسپىرىم بالاسى ۇيدە دە، مەكتەپتە دە بۋللينگتىڭ بارلىق سۇمدىقتارىن باستان كەشىپ، ءوز قيىندىعىمەن بەتپە-بەت قالعان كەرەكسىز ادامعا اينالادى. پانا ىزدەگەن ءامىر قۇمار ويىندارعا تاۋەلدىلىككە اكەلەتىن كومپيۋتەرلىك ويىندار الەمىنە ەنەدى...
مادەني ءىس-شارا بارىسىندا ءسوز سويلەگەن ءفيلمنىڭ قويۋشى رەجيسسەرى ەليا گيلمان تۇساۋكەسەرگە كەلگەن كورەرمەندەرگە العىسىن ايتا وتىرىپ، كارتينانىڭ كينوفەستيۆالدەردەگى جەتىستىكتەرىمەن ءبولىسىپ، كينوتۋىندىنىڭ ءتۇسىرۋ توبىنا جۇلدەلەرىن تابىستادى.
وسىلايشا رەجيسسەر Istanbul Film Awards جانە Cannes Film Awards كينوفەستيۆالدەرىندە ماراپاتتالعان «ۇزدىك اكتەر» جۇلدەسىن فيلمدە باستى رولدەردىڭ ءبىرىن سومداعان اكتەر ەركەبۇلان دايىروۆقا تابىستادى. سونداي-اق، باسقا دا جۇلدەلەردى ءفيلمنىڭ جاس اكتەرى راشيد مۋسين، سەناريي اۆتورى راسۋل شىبىنتاي، وپەراتور الەكسەي كيريۋحين، قويۋشى سۋرەتشى وكسانا ازاماتوۆا، پروديۋسەرلەر گۇلسينا مۋستافينا مەن الەكساندر گيلمان الدى.
ايتا كەتسەك، جالپى العاندا وسى كۇنگە دەيىن «كۇنباعىس» دراماسى 27 حالىقارالىق كينوفەستيۆالدە ءتۇرلى نوميناسيالار بويىنشا 47 سىيلىقتى قانجىعاسىنا بايلادى.
«كۇنباعىس» ءفيلمى كەلەر جىلى ءساۋىر ايىندا پروكاتقا شىعادى.
قازىرگى تاڭدا «كۇنباعىس» ءفيلمى يەلەنگەن ماراپاتتاردىڭ تولىق ءتىزىمى تومەندەگىدەي:
«ۇزدىك تولىقمەترلى فيلم» سىيلىعى - New York Cinema Independent Awards، Toronto International Woman Film Festival، Crown Wood International Film Festival (ءۇندىستان)، Rome Movie Awards، Milan Gold Awards، KIFF (Kotka International Film Festival، Finland)، موسفيلمفەست (ماسكەۋ، رەسەي)، SLATE International Film Festival (گونكونگ، جۇڭگو)
«ۇزدىك رەجيسسەر» سىيلىعى - Venice Film Awards، Crown Wood International Film Festival (ءۇندىستان)، Paris International Film Festival، Tokyo International Monthly Film Festival، Milan Gold Awards، Hollywood Gold Awards
«ۇزدىك ايەل-رەجيسسەر» - Cannes World Film Festival، Istanbul Film Awards، New York Cinema Independent Awards، Crown Wood International Film Festival (ءۇندىستان)
«ۇزدىك شەتەلدىك فيلم» سىيلىعى - Cannes World Film Festival، Istanbul Film Awards
«ۇزدىك دراما» سىيلىعى - Red Movie Awards (فرانسيا)، Istanbul Film Awards، Prague Film Awards
«ورىس تىلىندەگى ۇزدىك فيلم» سىيلىعى - Near Nazareth Film Festival (يزرايل)
«ۇزدىك اكتەر» سىيلىعى - Istanbul Film Awards (ەركەبۇلان دايىروۆ، سلوبودا ميچالوۆيچ، راشيد مۋسين)، Milan Gold Awards (سلوبودا ميچالوۆيچ)، Hollywood Gold Awards (سلوبودا ميچالوۆيچ)
«ۇزدىك جاس اكتەر» سىيلىعى - Cannes World Film Festival (راشيد مۋسين)
«ازيانىڭ ۇزدىك اكتەرى» - Cannes Film Awards (ەركەبۇلان دايىروۆ)
«ۇزدىك وپەراتور» سىيلىعى - Istanbul Film Awards (الەكسەي كيريۋحين)
«ۇزدىك سەناريي» سىيلىعى - Hollywood Gold Awards (راسۋل شىبىنتاي)
«ۇزدىك قويۋشى-سۋرەتشى» سىيلىعى - Paris International Film Awards، London International Monthly Film Festival، Hollywood Gold Awards (وكسانا ازاماتوۆا)
«ۇزدىك پروديۋسەر» سىيلىعى – Beijing Film Festival (China)، Hollywood Gold Awards (گۇلسينا مۇستافينا، الەكساندر گيلمان)
«ۇزدىك كومپوزيتور» سىيلىعى - LA Independent Film Awards
«شەبەرلىگى ءۇشىن» سىيلىعى - WRPN Women’s International Film Festival
قازىلار القاسىنىڭ ارنايى جۇلدەسى - White Nights Film Festival (سانكت-پەتەربور)
«ەرەكشە اتالىم» سىيلىعى - Paris Film Festival، LA Independent Film Awards