ول 7 ناۋرىزدان باستاپ قىزمەتكە كىرىسەدى.
داۋرەن ابايەۆ تمد باس حاتشىسىنىڭ ورىنباسارى بولىپ تاعايىندالدى، دەپ حابارلايدى Almaty-akshamy.kz
بۇل تۋرالى حابارلاعان Tengrinews.kzء-تىڭ جازۋىنشا، اقپاراتتى تمد اتقارۋ كوميتەتىنىڭ باسپا ءسوز قىزمەتى راستاعان.
"ءيا، ءبىز قازاقستان رەسپۋبليكاسى سىرتقى ىستەر مينيسترلىگىنەن داۋرەن اسكەربەك ۇلى ابايەۆ بەكەتجان ماحاتجان ۇلى جۇماحانوۆتىڭ ورنىنا كەلەدى دەگەن تاپسىرما الدىق. ول 7 ناۋرىزدان باستاپ تمد باس حاتشىسىنىڭ ورىنباسارى قىزمەتىنە كىرىسەدى. ونىڭ تاجىريبەسى تمد اتقارۋ كوميتەتىندەگى جۇمىسىنا جاقسى اسەر ەتەدى دەپ ەسەپتەيمىز"، - دەپ جاۋاپ بەردى اتقارۋ كوميتەتى.
داۋرەن اسكەربەك ۇلى ابايەۆ 1979 جىلى الماتى وبلىسىندا تۋعان. 2001 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن ۇزدىك بىتىرگەن.
2001 جىلدىڭ تامىزى مەن 2003 جىلدىڭ تامىزى ارالىعىندا قازاقستان رەسپۋبليكاسى سىرتقى ىستەر مينيسترلىگىنىڭ ورتالىق اپپاراتىندا جۇمىس ىستەدى.
2003 جىلدىڭ مامىرى مەن 2007 جىلدىڭ مامىرى ارالىعىندا قازاقستان رەسپۋبليكاسىنىڭ ازەربايجانداعى جانە نيدەرلاند كورولدىگىندەگى ەلشىلىكتەرىندە ديپلوماتيالىق قىزمەت اتقاردى.
2007 جىلدىڭ مامىرى مەن 2007 جىلدىڭ جەلتوقسانى ارالىعىندا - قازاقستان رەسپۋبليكاسى سىرتقى ىستەر مينيسترلىگىنىڭ باسپا ءسوز قىزمەتى ءبولىمىنىڭ باستىعى.
2007 جىلدىڭ جەلتوقسانى مەن 2008 جىلدىڭ جەلتوقسانى ارالىعىندا – قازاقستان رەسپۋبليكاسى پرەزيدەنتى پروتوكولىنىڭ باس ساراپشىسى، كونسۋلتانتى.
2008 جىلدىڭ جەلتوقسانى مەن 2009 جىلدىڭ قازانى ارالىعىندا - قازاقستان رەسپۋبليكاسى پرەزيدەنتى باسپا ءسوز حاتشىسىنىڭ ورىنباسارى.
2009 جىلدىڭ قازانىنان - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.
2011 جىلدىڭ قازانىندا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بولىپ تاعايىندالدى.
2011 جىلعى شىلدەدەن - قازاقستان رەسپۋبليكاسى پرەزيدەنتىنىڭ كەڭەسشىسى.
2016 جىلعى 6 مامىردان قازاقستان رەسپۋبليكاسى اقپارات جانە كوممۋنيكاسيالار ءمينيسترى.
2019 جىلدىڭ 25 اقپانىنان باستاپ قازاقستان رەسپۋبليكاسى پرەزيدەنت جارلىعىمەن قازاقستان رەسپۋبليكاسى اقپارات جانە قوعامدىق دامۋ ءمينيسترى بولىپ تاعايىندالدى.
2020 جىلدىڭ 4 مامىرىنان – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.
2021 جىلدىڭ 11 قاڭتارىنان 2023 جىلدىڭ قاڭتارىنا دەيىن — قازاقستان رەسپۋبليكاسىنىڭ مادەنيەت جانە سپورت ءمينيسترى قىزمەتىن اتقاردى.